Qua me darò da fare par métare in mostra la me racolta de proverbi veneti (pì de 1500), rancurà co tanta passienza, specie scoltando i vecioti, ricordàndome de me nona Maria, spiociando qua e là...

Se intende che ...chi che ga na nona podarà mandare i so proverbi, che i vegnarà zontà a la racolta. Grazie mile.

La prima parte xe fata de proverbi missi zo da la A a la Z;
staltre pàjine e quele ca zontarò 'ndando vanti le sarà messe zo par argomenti. 
Intanto quisti me li invento mi, ma no sarìa sbalià che me rivesse calche richiesta, par esenpio: proverbi so le fémene? 
Dito e fato mi ve meto in lista tuti i proverbi sole fémene,
e via discorendo.