torna indrio

A caminare a stravento se fa senpre fadiga.
A chi carne de testa e a chi de colo.
A chi nasse scarognà ghe piove sol culo stando sentà.
A comiziare i lavori de vènare la roba va in zénare.
A dire busie ghe vole bona memoria.
A dire la verità ghe vole on cojon, a dire busie ghe vole on  bricon.
A far credenza se perde l'aventore.
A far la carità no se va in miseria.
A l'astuzia del munaro no gh'è mai nissun riparo.
A l'osèlo ingordo ghe crepa el gosso.
A lavarghe la testa al molton, se consuma l'aqua e anca el saon.
A on belo senpre ghe manca, a on bruto senpre ghe vanza.
A pensar mal se fa pecà, ma se indovina senpre.
A parlare se fa presto: pì difìzile xe el resto.
A quatro a quatro se inpinisse el saco.
A quel che vien da sóra no ghe xe riparo.
A robare poco se va in galera, a robare tanto se fa cariera.
A sentarse so do careghe el culo se sbrega.
A vìvare co la testa sol saco xe bon ogni macaco.
Al cao de là fa la pitona.
Al ciaro de luse ogni stronzo traluse.
Amore fa amore, cativeria fa cativeria
Anca i cojuni magna el pan.
Anca la cossienza fa el calo
Anca na bruta sìmia pole fare on bel salto.
Aqua passà no masena pì.
Aqua turbia no fa specio
Arte toa, nemigo too.
Articolo quinto: chi che ga schei ga senpre vinto.
A viajare se se descanta, ma chi che parte mona torna indrio mona.
Barca fondà no ga bisogno de benedission.
Baso devoto no vole èssare visto.
Baso par forza no vale na scorza.
Beati i ultimi se i primi ga creanza.
Ben, bon e magari i jera tri che fabricava lunari.
Bisogna che ghe sia chi che fà parché ghe sia chi che magna.
Bisogna tacare el musso dove che vole el paron.
Boca onta no la pole dire de no.
Boca sarà no ciapa moschini.
Bondanza e roganza xe tuta na piatanza.
Bone parole e cativi fati ingana savi e mati.
Bota che canta la xe voda.
Bronza cuerta brusa la traversa.
Can che baja no mòrsega.
Canpo pestà no produse erba.
Carità par forza, fiore che spuza.
Carne che cresse no sta mai ferma.
Carta canta, vilan dorme.
Chi arte no sà, botega sara.
Chi che dal loto speta socorso, mostra le bale come l'orso.
Chia canta a tola o in leto l'è on mato perfeto.
Chi che ga da vere ga da dare.
Chi che ga la rogna se la grata.
Chi che ga le zuche no ga i porzei.
Chi che ga santoli ga buzolà.
Chi che ga schei ga senpre rason.
Chi che grata la rogna ai altri rinfresca la soa.
Chi che massa se inchina mostra el culo.
Chi che nasse tacà a on fosso spuza senpre da freschin.
Chi che no ga pan ga denti.
Chi che ronpe de vecio paga de novo.
Chi che siòla ga pensieri.
Chi che va par i spini i xe quili descalzi.
Chi che varda i fati di' altri i sui ghe va da malo.
Chi che varda in suso se inbalza.
Chi che xe vizin ala cusina magna minestra calda.
Chi cominzia ben el primo de l'ano sta ben tuto l'ano.
Chi da galina nasse, da galina ruspa.
Chi dòpara loame no ga mai fame.
Chi fa la pignata sa fare anca el manego.
Chi ga fato le pignate pol anca rònparle.
Chi ga la caza in man minestra a so modo.
Chi ladra, Dio ghe dona; chi no ladra, pioci e rogna.
Chi more el mondo assa, chi vive se la spassa.
Chi no ga testa ga ganbe.
Chi no laora no magna.
Chi no magna ga magnà.
Chi no sa rìdare no sa vìvare.
Chi no se inzegna fa la tegna.
Chi òrdena paga.
Chi pì capisse pì patisse.
Chi pì xe, manco se vanta.
Chi sbaglia de testa paga de scarsela.
Chi somena spini no vaga descalzo.
Chi sparagna el gato magna.
Chi va a l'osto perde el posto.
Chi va pian va lontan, chi va forte va ala morte.
Chi va sa calcossa, chi manda speta risposta.
Chi va via perde la partia.
Chi vole 'ndare massa in suso, casca par tera e se ronpe el muso.
Co la caveza se liga i cavai, co la parola i òmani.
Co la panza piena se rajona mèjo.
Co' capita on bon bocon, mona chi che no ghe ne aprofita.
Co' ghe n'è massa le cioche se beca.
Co' i ladri se fa la guera, segno ch'i xe d'acordo.
Co' i picoli parla i grandi ga parlà.
Co' la carne xe frusta l'ànema deventa justa.
Co' la oja la xe pronta le ganbe se fà liziere.
Co' manca el méjo i osei se beca.
Co' na man se da e co' staltra se riceve.
Co' no ghe xe pì gànbari, xe bone anca le zate.
Co' parla na bela dona la ga senpre rason.
Co' se ciapa on vizio se stenta a pèrdarlo.
Co' se ga scumizià no ghe xe pì retegno.
Co' te vidi par strada on bòzolo, no starte fermare: o pesi da portare o bote da ciapare.
Coi birbi el galantomo fà senpre la figura del cojon.
Col minestro che se minestra se vien minestrà.
Dai cupi in su nissun sa gnente.
Dele volte na busia salva la verità.
Dove che ghe vole fati, no basta le parole.
Dove che manca i cavai anca i mussi trota.
Dove che passa la barca pol passare anca el batelo.
Dove no ghe xe ocio no ghe xe làgreme.
Drio ai ani ghe va el judizio.
Dura depì na pignata rota che una sana.
El baston xe on cativo maestro.
El bisogno insegna a far de tuto.
El butare via xe parente del piànzare.
El carbon l'inzende o l'intenze.
El desperà xe senpre castrà.
El fruto no'l casca mai lontan da l'àlbaro.
El judizio salva l'osso del colo.
El lume xe na meza conpagnia.
El mondo xe grande: basta voler caminare.
El mondo, mezo el xe vendù e mezo el xe da vèndare.
El nome di' zucuni xe scrito sui cantuni.
El pan del paron el ga tre croste.
El poco basta, el massa guasta.
El rùzene magna el fero.
El sapiente sa poco, l'ignorante el sa massa, ma el mona sa tuto.
El tènaro ronpe el duro.
El tenpo no ghe fà torto a nissuni.
El tenpo e la rason xe senpre del paron.
Facile xe piantare ciodi, ma dificile xe s-ciodarli.
Fin che dura i bezi, amighi no manca.
Fin che dura la menada dura la polenta.
Fin che dura sto regno, scarpe de legno.
Fin che l'invidioso se rode, l'invidia se gode.
Fogo de paja e troto de vecia dura poco.
Fra' Modesto no'l xe mai deventà priore.
Frua la bareta chi se la cava a tuti.
Ghe xe pì dì che luganega.
Ghe xe pì tenpo che vita.
Gnente, xe bon pa'i oci.
I "se" e i "ma" se du ebeti da Adamo in qua.
I bauchi casca senpre par tera.
I curiusi se paga al sabo.
I fasoi veci nasse in panza.
I muri veci fà panza.
I oci del spazacamin xe senpre bianchi.
I ovi xe boni anca dopo Pasqua.
I parenti xe come le scarpe: pì striti i xe, pì male i fà.
I schei no i ga ganbe ma i core.
I siùri more de fame se i poariti no sua.
In tenpo de peste pì baje che feste.
L'omo da vin no 'l vale on quatrin.
L'onore xe come el vento: el va fora da tuti i busi.
L'union dela fameja sta int'el casson dela farina.
La boca la se liga solo ai sachi.
La bona maniera la piase a tuti.
La burla no la xe bela se no la xe fata a tenpo.
La coa massa longa xe quela che copa la volpe.
La coéga cola sol lardo.
La fadiga fa catare l'inzegno.
La fortuna la va drio ai orbi.
La frégola la vien dal toco.
La joza scava la piera.
La justizia xe fata a maja.
La léngoa no ga osso, ma la pole rónpare i ossi.
La pezo roa del caro xe quela che ruza.
La pigrizia la va tanto pian che la miseria la ciapa.
La ràza no va su par el talpon.
La roba che se buta via coi piè, vien dì che la se rancura co le man.
La roba donà fà male ala panza.
La roba no xe de chi che la fà, ma de chi che la gode.
Le bone azion xe come le vivande, che no le vale gnente co' le spuza da fumo.
Le bone parole onze, le cative ponze.
Le ciàcole no inpasta fritole.
Le maravéje dura tri dì.
Le montagne sta ferme e i òmani se move.
Le novità le piase a chi che no ga gnente da pèrdare.
Le parole no inpinisse la panza.
Le zuche vode le sta sora l'aqua.Le zuche vode vien senpre a gala.
Laòro tacà finìo par metà.
Mai assàre la strada vecia par quela nuova.
Mèjo 'vere du schei de mona che passare par massa svejo.
Mèjo el tacon del sbrego.
Mèjo le braghe sbuse sol culo che el culo sbuso so le braghe.
Mèjo na torta in du che na merda da ti solo.
Mèjo on ovo oncuò che na galina doman.
Méjo on piato de bela ziera che zento pastizi.
Misura el ciodo prima de piantarlo.
Na joza de miele conza on mare de fiele.
Na man lava l'altra e tute do lava el muso.
Na mota e na busa fà on gualivo.
Na pena ala volta se pela l'oca.
Na serenada de note dura fin che on can fà le balote.
Né na parola dita, né on naso tirà no torna indrio.
Né panza, né rogna, né tosse se sconde.
No bisogna magnare i ovi prima de verghe cavà la sgussa.
No fare el passo pì longo del ganba.
No ghe xe avere che conta depì del savere.
No ghe xe carne in becaria che presto o tardi no la vaga via.
No ghe n’è mai a bastanza se no ghe ne vanza.
No ghe xe mai ben che no gabia el so male.
No ghe xe nessun ladron che no gabia la so devozion.
No ghe xe pignata che covercio no la cata.
No ghe xe rizeta par la paura.
No ghe xe sordo pì grande de quelo che no vole scoltare.
No ghe xe straza che no la vegna bona.
No pole èssare jutà chi che no vole èssare consilià.
No se fà on capelo par na sola piova.
No se ga se no quel che se gode.
No se pole avere la bota piena e la mojère inbriaga.
No se pole caminare sola neve senza assare peche.
No se pole cantare e portare la crose.
No se pole far cagare i mussi par forza.
O basa sto cristo o salta sto fosso.
O magna sta minestra o salta sta finestra.
O prima o dopo se fà anca le zuche.
Ogni bela scarpa deventa na bruta zavata.
Ogni dì nasse on cuco.
Ogni mosca la fa la so onbra.
Ogni paese ga le so usanze, ogni porta ga el so batocio.
Omo lodà, o morto o scanpà.
On alto e on basso fà on gualivo.
On bel védare fà on bel crédare.
Onore de boca poco vale e manco costa.
Par gnente l'orbo no canta.
Par savere la verità bisogna sentire du busiari.
Parere e no èssare xe come filare e no tèssare.
Pesse grosso magna pesse picolo.
Prima de parlare, tasi.
Quando che l'aqua toca el culo tuti inpara a noare.
Quando che la barca va ogni cojon la para.
Quando che la merda monta in scagno, o che la spuza o che la  fà dano.
Quando che no se pole ciapare el pesse se ciapa le rane.
Quando che uno sà fare i capèi el pol farli par qualunque testa.
Quel che se vede no xe de fede.
Quelo che no sòfega ingrassa.
Quelo che no strangola ingrassa e quelo che no ingrassa passa.
Reve e guseleta* mantien la poareta.
Roba fruà no tien ponto.
Roba robà no fà conpanàdego.
Roba robà, come la vien la va.
S'ciopo vodo fà paura a du.
Sa fusse, sa ghesse e magari i jeri tri sumàri.
Sa volì ca ve lo diga ve lo digo: chi che casca in povertà perde l'amigo.
Saco roto no tien méjo.
Saco vodo no sta in piè.
Scarpa larga e goto pien, ciapa le robe come le vien.
Scarpe vecie sparagna le nove.
Se l'invidia fusse freve tuto el mondo scotaria.
Se le parole paghesse dazio, sarìa on afar serio.
Se no ghe fusse chi che fà no ghe sarìa chi che magna.
Senpre stenta chi no se contenta.
Senza ojo el lume se stua.
Senza spie no ce ciapa ladri.
Svodà la scudela, tuti ghe spua dentro.
Tacà a on ciodo, ma vivo.
Tanti paìsi e tante usanze, tante teste e tante panze.
Tanto toca a chi roba come a chi che tien el saco.
Testa de musso no se pela mai.
Togno fà la roba, el sior Toni la gode, el conte Antonio la magna.
Tre cosse ghe vol par farse siori: o robar, o trovar, o ereditar.
Tre volte bon fà mona.
Trista chela bestia che no para via le mosche co' la so coa.
Troti de musso e salti de vecio dura poco.
Tute le robe storte le fà drite la morte.
Tute le scarpe no va ben 'ntel stesso piè
Tuti ga el so toco de invidia.
Tuti ga la so ora de mona.
Tuti gode a védare i mati in piazza, pur che no i sia dela so razza.
Tuti i mistieri fà le spese.
Tuti nasse pianzendo, nissun more ridendo.
Tuti semo fioi de Adamo.
Tuti va al molin col so saco.
Tuto finisse, via che l'invidia.
Tuto ga fine.
Tuto se justa, fora che l'osso del colo.
Tuto va e vien e gnente se mantien.
Uno no fà canpion.
Uno roba la polpa e 'staltro ciapa la colpa.
Vale depì na candela davanti che on candeloto de drio.
Vale depì on no co creanza che on sì vilan.
Vedendo uno te lo conossi mezo, co' 'l parla te lo conossi tuto.
Xe mèjo on "to" che zento "te darò".
Xe on bravo can el can che furfa par elo.