torna indrio

A 'la Madona del Rosario el pitaro* de passajo.(6/10)
A 'la Madona i pitari ne sbandona.
A 'la Madona le quaie ne sbandona.
Ai can magri ghe va drio le mosche.
A l'amo se ciapa el pesse, i òmani a l'intaresse.
A l'osèlo ingordo ghe crepa el gosso.
A le prime aque de Agosto la tortora la va via.
A lavarghe la testa al molton, se consuma l'aqua e anca el saon.
A magnare el zervelo del pesse se deventa intelijente.
A San Benedìo le ròndene torna indrio.(21/3)
A San Francesco i tordi i va de furia.(4/10)
A San Gorgon passa la lòdola e 'l lodolon.(9/9)
A San Luca le lòdole se speluca.(18/10)
A San Roco le quaie le va de troto.
A San Simon le lòdole a valon.(28/10)
A San Valentin el giazo no tien gnanca pì on gardelin.(14/2)
A Sant'Ana el rondon se slontana.(26/7)
A Santa Toscana i rondoni se slontana.(14/7)
Ai Morti e ai Santi i corvi sbandona i monti e i vien a pascolare ai canpi.
Ai ultimi de Setenbre, i fringuei par la tesa.
Al cao de là fa la pitona.
Al mese de Jenaro la gata va in gataro.
Al primo de Agosto l'ànara se mote a 'rosto.
Ala de capon, culo de castron e tete de massara xe na roba rara.
Ala sera tuti buò, ala matina tute vache.
Anca na bruta sìmia pole fare on bel salto.
Bacalà a 'la visentina, bon se sera e de matina.
Barbi e rane mai de Majo, parché i fa tristo passajo.
Beato l'Istà co tuti i pulzi e i zìmesi che'l ga.
Bela coa, trista cavala.
Bisogna tacare el musso dove che vole el paron.
Can che baja no mòrsega.
Can no magna can.
Canpa, cavalo, che l'erba cresse.
Carne de vaca e legno de figaro par far bela ziera al'amigo caro.
Caval bianco e bela mojèr dà senpre pensièr.
Caval, putana e persegar trent'ani no i pol durar.
Cavalo in prìstio no xe mai straco e no ga mai fame.
Cavalo vecio e servo cojon no inbroja el paron.
Chi che bastona el so cavalo bastona la so scarsela.
Chi che careza el mulo ciapa peàde.
Chi che ga le zuche no ga i porzei.
Chi che ga na vacheta ga na botegheta.
Chi che ga solo on porzelo lo ga belo, chi ga solo on tosato  lo ga mato.
Chi che ghe fà la barba al musso perde l'aqua e anca el saon.
Chi che zerca cavalo e fémena senza difeto, no'l gavarà mai cavalo in stala e fémena in leto.
Chi co done va e mussi mena, i crede de rivare a disnare e no i riva gnanca a zena.
Chi da galina nasse, da galina ruspa.
Chi leze el cartelo no magna vedèlo.
Chi no ghe piase galina col pien, merita pache opure velen.
Chi piègora se fà el lupo se lo magna.
Chi sparagna el gato magna.
Chi vol magnare on bon bocon, magna l'oca col scoton.
Chi vol stare san pissa spesso come on can.
Chi vole el can se lo ciapa par la coa.
Co la caveza se liga i cavai, co la parola i òmani.
Co' canta el ciò xe finio de far filò.
Co' canta el galo sola rosà, core l'aqua par la carezà.
Co' canta le zigàle de Setenbre no conprare gran.
Co' ghe n'è massa le cioche se beca.
Co' la vaca tien su el muso, bruto tenpo salta suso.
Co' se xe mussi ala matina se lo xe anca ala sera.
Co' te nassi scarognà, te scanpi dal musso e la vaca te tra.
Co’ te senti le racolete xe rivà la Primavera.
Co' toneza de Jenaro chi ga quatro vache se ne magna on paro.
Co'l galo canta da galina, la casa va i ruina.
Co'l galo canta so la zena, se no xe belo se serena.
Co'l lovo* deventa vecio i can ghe pissa incoste.
Co'l sole tramonta i àseni se ponta.
Co'l sorze scanpa, la gata va al paese.
Col pan se fà balare i can.
Da on musso no se pole spetarse che peade.
Da San tin tuto, el pesse mena el coìn.
Dai a chel can che'l xe rabioso.
De drio d'i s-ciopi, d'i cavai davanti e distante dai mati.
De Febraro ogni gata va in gataro.
De istà ogni beco fà late, de inverno gnanca le bone vache.
De la Sensa le granseole fà partensa.
De note tute le vache xe more.
De Pasqua no ghe xe galina che no faza.
De pesse scanpà no se ne ga mai magnà.
Del pito el passo, del polo el volo.
Dime ludro, dime can, ma no dirme furlan.
Done, cani e bacalà no i xe boni se no i xe pestà.
Dove che comanda le done e ara le vache, se vede solo robe mal fate.
Dove che manca i cavai anca i mussi trota.
El bòvolo xe on pasto fin: bon par el vecio, bon par el putin.
El can de du paruni more de fame.
El capon xe senpre de stajon.
El gato sol fogolaro xe segno de miseria.
El loame de cavalo el fruta on ano e no sò qualo.
El male riva a cavalo e 'l parte a piè.
El musso, co'l ga magnà el volta el culo ala grupia.
El naso d'i gati, i zenoci d'i òmani e 'l culo dele fémene xe senpre fridi.
El paron xe el ragno, el contadin la mosca.
El pesse ga da noare noare tre volte: prima ‘ntel’aqua, dopo ‘ntel’ojo e la terza ‘ntel vin.
El pòvaro omo no fa mai ben: se more la vaca ghe vanza el fen, se la vaca scanpa e l fen ghe manca.
Fare i mistieri che no se conosse i dìnari i deventa mosche.
Fin che i barufanti tira la vaca uno pa’ i corni e staltro par la coa, l’avocato monze.
Galina vecia fà bon brodo.
Gato sarà deventa leon.
I cojuni del can e i schei del vilan i xe i primi mostrà.
I nostri veci ga magnà i capuni e i ne ga assà i proverbi.
In istà la vache va in montagna a fare le siore, e le siore va in montagna a fare le vache.
I òmani ala guera e le vache in montagna no se garantisse.
I primi capuni fà la coa bela.
I schei fà balare i sorzi.
I schei porta l'oca al paron.
L'arcobaleno ala matina bagna el beco ala galina.
L'avaro xe come el porco, che no'l xe bon che dopo morto.
L'ocio del paron ingrassa le bestie.
L'orto xe mezo porco.
L'ospite xe come el pesse: dopo tri dì el taca a spuzare.
L'ultimo ovo xe quelo che scoraja el musso.
La boca no xe straca se prima no la sa de vaca.
La coa massa longa xe quela che copa la volpe.
La morte del lovo xe la salute dele piègore.
La note xe fata pa' i alochi.
La panza d'i preti xe el zimitero d'i capuni.
La parola liga l'omo, la corda el musso.
La piègora xe benedeta dal culo e maledeta dala boca.
La prima galina che canta ga fato l'ovo.
La testa del barbon xe el mejo bocon.
La vita xe come na scala par le galine: curta e piena de merde.
La zaresa pi bona la xe quela del merlo.
Le bestie se trata da bestie.
Le galine che va par cà, se no lebeca le ga becà.
Le mosche le va drio ai cavai magri.
Le ràcole ciama piova.
Le vache pissa, i manzi sbrissa e i bo' veci xe quei che tira.
Libri, done e cavai no se inpresta mai.
Loame de porco no loama né canpo, né orto.
Magari polenta e pessin, ma na bela testa sol cussin.
Magnà i gànbari se ciucia anca le zate.
Magna la lana, ma salva la piégora.
Magna renghe e sardeluni: te conservarè i polmuni.
Marcante e porco stimalo dopo morto.
Marsoni friti e polentina, on fià de vézena e vin de spina.
Marzo el se fà vanti, el merlo el fà noze coi so canti.
Marzo sventolon, more la piègora e anca el molton.
Marzo, par quanto tristo che'l sia, el buò al'erba e 'l cavalo al'onbrìa.
Mèjo on àseno vivo che on dotore morto.
Mèjo on ovo oncuò che na galina doman.
Mèjo on sorze in boca a on gato che on omo par le man de on avocato.
Merlo in te'l camin trema el contadin.
Mese de Agosto, colonbo rosto.
Na pena ala volta se pela l'oca.
Na serenada de note dura fin che on can fà le balote.
Na volta core el lièvore, na volta core el can.
Nela luna setenbrina la sardela se rafina.
No ghe xe gnente de pì bon che el colo del capon.
No se dise vaca mora se no ghe n'è on pelo.
No se pole far cagare i mussi par forza.
No tocare can che ròsega e zugadore che perde.
No xe colpa dela gata se la parona la xe mata.
Nose e pan, magnare da can.
Ogni can mena la coa, ogni mona vol dire la soa.
Ogni osèlo no conosse el bon gran.
Ogni mosca la fa la so onbra.
On galo senza cresta xe on capon, on omo senza barba xe on cojon.
On lièvore fra du can, on contadin fra du avocati, on malà fra du doturi: chi sta pèzo de luri!
On ocio ala gata e staltro ala paèla.
On omo in man del'avocato xe come on sorze in boca al gato.
Osèlo de s-ciapo no xe mai grasso.
Par l'Anunziata el rossignolo so la saca.
Pesse grosso magna pesse picolo.
Pitosto che le tarme la magna, xe mejo che i osei la bècola.
Polenta nova e osei de riva, vin de grota e zente viva.
Porco ingrassà no xe mai contento.
Prima de parlare bisogna fare come el galo, che prima de cantare el sbate tre volte le ale.
Putei e colunbi insmerda la casa.
Quando a Novenbre el vin no xe pì mosto, la pitona xe pronta  par el 'rosto.
Quando canta le grole* ghemo burasca par tri dì.
Quando ch'el gato dorme i sorzi bala.
Quando che manca el gran le galine se beca.
Quando che manca i cavai i mussi trota.
Quando che'l galo canta zo de ora, doman no xe pì el tenpo de 'sta ora.
Quando che'l Signore vuole castigare uno el ghe manda l'ispirazion o de sposarse, o de torse on musso o on'ostaria.
Quando el merlo canta d'amore Febraro finisse.
Quando la ràcola canta, piova tanta.
Quando le nuvole vien dal mare, ciapa i buò e va a arare; quando le nuvole vien dal monte ciapa 
   i buò e va ala corte.
Quando se vede la raìna se no piove oncuò piove domatina.
Quatro a on segon, du a on capon.
Rispeta el can par el so paron.
Sant'Antonio se ga inamorà de on porzeleto.
Santa Poinara, la vecia (galina) sora la caponara.
Se 'l dì de San Martin el sole se insaca, vendi el pan e tote la vaca; Se 'l va zo seren, vendi la vaca e tiente el fen.(11/11)
Se ciapa pì mosche co na joza de miele che co na bota de aseo.
Se la galina tasesse, nissun savarìa che la ga fato l'ovo.
Se Nadale vien senza luna, chi ga do vache se ne magna una.
Se piove sui cavajuni, bondanza de galine e ovi.
Sia da cavalo che da mulo sta tri passi lontan dal culo.
Suòre de stradin e grasso de mussolin guarisse tuti i mali.
Tanti can mazza on lovo* e on solo can baja a la luna.              * lupo
Testa de musso no se pela mai.
Tien on ocio al pesse  e 'nantro al gato.
Tira depì on pelo de mona che on paro de buò.
Tra i pessi on bel ronbeto, tra i quadrupedi el porcheto.
Tri ani dura on sieve *, tri sieve dura on can, tri can dura  on cavalo.
Tri mussi e on vilan fà quatro bestie.
Trista chela bestia che no para via le mosche co' la so coa.
Troti de musso e salti de vecio dura poco.
Va' in leto co le galine e lèvate quando che canta el galo.
Vale depì on gran de pévaro che on stronzo de musso.
Vàrdate dal culo del mulo, dal dente del can e da chi che tien la corona in man.
Vàrdate dala volpe e dal tasso e da chi che varda in basso.
Xe mèjo on musso vivo che on dotore morto.
Xe on bravo can el can che furfa par elo.
Xe pì fadiga far la guardia a na fémena che a on saco de polde
 

Numero Proverbi: 194