torna indrio

A tola e leto no se porta rispeto.
Amarse, ma no buzararse.
Assa che la mojère la comanda in casa: solo cussì la te struca e la te basa.
Beata chela sposa che la prima che la ga la sia na tosa.
Chi che ga na bela mojère no la xe tuta soa.
Chi che se marida de carnevale slonga le ganbe e scurza le bale.
Chi che se marida e no sa l'uso, fa le ganbe fiape e longo 'l muso.
Chi che se marida vecio sona de corno.
Chi che vole justare le braghe co le còtole dela mojère le gavarà senpre rote.
Chi dise sposa dise spesa.
Co'l galo canta da galina, la casa va i ruina.
Conpare de anelo pare del primo putelo.
De San Martin se sposa la fiola del contadin.
Dentro de ogni matrimonio se sconde el demonio.
Dio li fà e po' li conpagna.
Dopo i confeti se vede i difeti.
El matrimonio no xe belo se no ghe xe gnanca on putelo.
El primo ano se ghe vole tanto ben che la se magnaria, el secondo se se ciama grami de no verla magnà.
Fin che na bela xe vardà, na bruta xe maridà.
Fumo e dona ciacolona fà scanpare l'omo de casa.
I fioi vien dal cuore, el marìo dala porta.
L'omo fà la dona e la dona fà l'omo.
L'omo maridà porta quatro "p": pene, pensieri, pentiminti e pecati.
La bona mojère fà el bon marìo.
La prima fachina, la seconda regina.
La prima xe matrimonio, la seconda conpagnia e la terza na eresia.
La roba marida la goba.
Leto fato e fémena petenà, la casa xe destrigà.
No ghe xe matrimonio che no ghe entra el demonio.
Novantanove maridà fà zento bechi.
Omo maridà, oselo in gabia.
Quando che'l Signore vuole castigare uno el ghe manda l'ispirazion o de sposarse, o de torse on musso o 
    on'ostaria.
Quando Dio vol castigar on omo el ghe mete in testa de maridarse.
Quando la mojère se mete le braghesse, al marìo no ghe resta  che le còtole.
Scarpe grosse e marìo bruto, va tranquila dapartuto.
Se te ghe na bruta mojere, va in leto al scuro.
Signore, fà ca no sia beco; se ghe so', fà ca no lo sapia; se lo sò, fà ca no ghe bada.
Zapa sposa baile.
 

Numero Proverbi: 34