torna indrio

A chi che no ghe piase el vin , che Dio ghe toga anca l'aqua.
A San Baldoin se fa el vin.
A San Crispin se pesta el vin.(25/10)
A San Martin casca le foje e se beve el bon vin.
A San Martin el mosto deventa vin.
A San Martin se spina el bon vin.
A San Martin, castagne e vin.
A San Pelegrin, poca paja e poco vin. (5/5)
Aqua de Agosto, miele e mosto.
Aqua setenbrina, velen par la cantina.
Bianco e moro méname a casa.
Bieta e vin juta el segantin.
Bivi el vin e lassa l'aqua al mulin.
Bon fogo e bon vin scalda el camin.
Bon vin, fola longa.
Bona bota bon vin, trista bota tristo vin.
Bota che canta la xe voda.
Bota piena, cèsa voda.
Chi che ghe piase el vin no'l lo buta in aseo.
Chi vol fare mosto zapa la tera de Agosto.
Co'l cavéjo tra al bianchin, assa la dona e tiente el vin.
Co'l mulin xe senza aqua me toca bévare aqua; co' l'aqua fà 'ndare el mulin bevo del bon vin.
Dona bela e vin bon xe i primi che te assa in abandon.
Dove che no ghe xe vin da travasare e farina da far pan staghe lontan.
El bon vin fà bon sangue.
El bon vin se trova dal paroco.
El bon vin se vende a la soja.
El bon vin xe ciaro, amaro e avaro.
El bon vin, i schei e la bravura poco i dura.
El pèrsego col vin, el figo co l'aqua.
El pesse ga da noare tre volte: prima ‘ntel’aqua, dopo ‘ntel’ojo e la terza ‘ntel vin.
El primo fiore xe quelo del vin.
El riso nasse da l'aqua e 'l ga da morire sol vin.
El vin al saore, el pan al colore.
El vin amaro tièntelo caro.
El vin bon no ga bisogno de frasca.
El vin de casa no inbriaga.
El vin xe bon par chi che lo sa bévare
El vin xe el late di' veci.
Faustin, poco pan e tanto vin.
Formajo, pan bianco e vin puro fà el polso duro.
Giugno, Lujo e Agosto, né dona, né aqua, né mosto.
L'omo da vin no 'l vale on quatrin.
L'ultimo goto xe quelo che inbriaga.
La bota la dà el vin che la ga.
La bota la fà el vin.
La bota piena tase.
La piova de San Bernardin la roba pan, ojo e vin.
Le canpane de San Martin vèrze le porte al vin.
Majo piovoso, vin costoso.
Maroni e vin novo, culo mio te provo.
Maroni e vin novo, scoreze de fogo.
Marsoni friti e polentina, on fià de vézena e vin de spina.
No bisogna domandarghe a l'osto se'l ga bon vin.
Ogni vin fà alegria se'l se beve in conpagnia.
Ovo de on'ora, pan de on dì, vin de on ano, dona de quìndese e amigo de trenta.
Pan che canta, vin che salta e formajo che pianza.
Pan fin che'l dura, vin a misura.
Pan padovan, vini visentini, tripe trevisane e done veneziane.
Pan, vin e zoca, lassa pur che'l fioca.
Par Sant'Antonin, poca paja e poco vin.
Pitosto che spàndarghene on jozo xe mejo bévarghene on pozo.
Polenta nova e osei de riva, vin de grota e zente viva.
Quando a Novenbre el vin no xe pì mosto, la pitona xe pronta  par el 'rosto.
Quando che l'omo xe pien de vin el te parla anca in latin.
Quando che'l vin no xe pì mosto, la castagna xe bona a rosto.
Quando se travasa se beve.
Se Giugno sguaza poco vin in taza.
Se no fa caldo a Lujo e Agosto sarà tristo el mosto.
Se piove par San Vio al vin còreghe drio.
Se te ghe poco vin, véndite anca el tin.
Vin de fiasco: ala sera bon, ala matina guasto.
Vin novo, braghe leste.
Vin vecio e dona zòvane.
Vin, done e maroni bisogna gòdarli so' la so stajon.
Vinti munari, vinti sartori e vinti osti fà sessanta ladri.
 

Numero Proverbi: 76