torna indrio

A chi che no ghe piase el vin , che Dio ghe toga anca l'aqua.
A magnare el zervelo del pesse se deventa intelijente.
A magnare on spigo de ajo, se spuza come a magnarghene na resta.
A San Martin, castagne e vin.
A Santa Crose, pan e nose.(14/9)
A tola e leto no se porta rispeto.
A tola no se vien veci.
Al primo de Agosto l'ànara se mote a 'rosto.
Ala de capon, culo de castron e tete de massara xe na roba rara.
Bacalà a 'la visentina, bon se sera e de matina.
Barbi e rane mai de Majo, parché i fa tristo passajo.
Bieta e vin juta el segantin.
Carne de vaca e legno de figaro par far bela ziera al'amigo caro.
Carne zòvane e pesse vecio.
Chi che laora magna, chi che no laora magna e beve.
Chi che magna aloè vive i ani de Noè.
Chi che no ga fame, o l'è malà o'l ga magnà.
Chi che xe vizin ala cusina magna minestra calda.
Chi fida nel loto no magna de coto.
Chi magna carpion no xe on babion.
Chi magna salata fà la vita beata.
Chi no ghe piase galina col pien, merita pache opure velen.
Chi no magna ga magnà.
Chi vol magnare on bon bocon, magna l'oca col scoton.
Co la panza piena se rajona mèjo.
Co' riva el trenta de Agosto tute le zuche le va 'rosto.
Co' se guadagna se magna.
Corpo pien ànema consolà.
De Otobre, on bel oveto xe pì dolze de on confeto.
De pesse scanpà no se ne ga mai magnà.
Del pito el passo, del polo el volo.
Dio te varda da on magnadore che no beve.
El bon formajo se fà de majo.
El bòvolo xe on pasto fin: bon par el vecio, bon par el putin.
El capon xe senpre de stajon.
El fogo juta el cogo.
El lardo vecio conza la minestra.
El magnare d'i poariti l'è in bisaca ai siuri.
El malà no magna gnente e 'l magna tuto.
El naso gusta e la boca patisse.
El pan del mona xe el primo magnà.
El pèrsego col vin, el figo co l'aqua.
El pesse ga da noare tre volte: prima ‘ntel’aqua, dopo ‘ntel’ojo e la terza ‘ntel vin.
El pesse guasta l'aqua, la carne la conza.
El riso nasse da l'aqua e 'l ga da morire sol vin.
El simile col simile, ma le verze co l'ojo.
El vilan el vendarìa el gaban par formajo, piri e pan.
Erba crua no xe par testa canua.
Fighi e ùa, el culo se frùa.
Fin a Nadale magnemo verze e rave.
Formajo, pan bianco e vin puro fà el polso duro.
Galina vecia fà bon brodo.
Ghe xe chi che magna le fave e chi che magna le sgusse.
Ghe xe pì dì che luganega.
I fasoi xe la carne di' poariti.
I nostri veci ga magnà i canpi e i ne ga assà i proverbi.
I nostri veci ga magnà i capuni e i ne ga assà i proverbi.
In amore nasse corajo se te magni del formajo.
L'ovo del luni pagan l'è del diavolo.
La boca la xe picola, ma la xe bona de magnare canpi e velada.
La boca no xe straca se prima no la sà de vaca.
La coéga cola sol lardo.
La menestra xe la biava de l’omo.
La panza d'i preti xe el zimitero d'i capuni.
La salata la vole el sale da on sapiente, l'aseo da on avaro, l'ojo da on prodigo, smissià   
   da on  mato e magnà da on afamà.
La testa del barbon xe el mejo bocon.
Magari polenta e pessin, ma na bela testa sol cussin.
Magna da san e bivi da malà.
Magnà i gànbari se ciucia anca le zate.
Magna renghe e sardeloni: te conservarè i polmoni.
Magna, bivi e godi, ma no inpiantare ciodi.
Mal de testa vole magnare, mal de panza vole cagare.
Maroni e vin novo, scoreze de fogo.
Marsoni friti e polentina, on fià de vézena e vin de spina.
Mèjo on ovo oncuò che na galina doman.
Mese de Agosto, colonbo rosto.
Minestra rescaldà no xe mai bona.
Nadale col mandolato, i Morti co la fava, Pasqua co la fugazza.
Né re, né disnare no se fà mai spetare.
No bisogna magnare i ovi prima de verghe cavà la sgussa.
No ghe xe gnente de pì bon che el colo del capon.
Nose e pan, magnare da can.
Nose e pan, pasto da vilan.
O de paja o de fe, cogna che'l stómego sia pien.
Pan che canta, vin che salta e formajo che pianza.
Pan e nose xe on magnare da spose.
Pan e nosele, magnar da putele.
Pan fin che'l dura, vin a misura.
Pan padovan, vini visentini, tripe trevisane e done veneziane.
Pan, sopressa e conpagnia su 'nte'l bosco fà alegria.
Panza piena vole riposo.
Panza voda camisa tacà.
Pitosto che roba vanza, crepa panza.
Polenta brustolà la smorza el figà
Polenta e late ingrossa le culate.
Polenta e puina, pì che se core, manco se camina.
Polenta nova e osei de riva, vin de grota e zente viva.
Polenta senza sale, ma on bel viseto sol cavazale.
Priego a magnare, priego a laorare.
Puina* in ponta, formajo in crosta e salame in coa.
Quando a Novenbre el vin no xe pì mosto, la pitona xe pronta  par el 'rosto.
Quando che la spiga ponze, la sardela onze.
Quando che te magni la nèspola, pianzi.
Quando che'l vin no xe pì mosto, la castagna xe bona a rosto.
Quando la rosa buta el spin, magna gò e passarin.
Quando xe ciara la marina, magna, bivi e va in cusina.
Quando xe ciara la montagna, magna, bivi e va in canpagna.
Quatro a on segon, du a on capon.
Quelo che no sòfega ingrassa.
Quelo che no strangola ingrassa e quelo che no ingrassa passa.
Risi bianchi, magnare da béchi.
Sa volì védare el diluvio universale, metì dodese preti a tola a magnare.
San Bogo, la torta al fogo.
Tenca de Majo e luzo de Setenbre.
Tra i pessi on bel ronbeto, tra i quadrupedi el porcheto.
Tripe de merda parché l'osto no ghe perda.
Vin de fiasco: ala sera bon, ala matina guasto.
Xe mèjo cavarse on ocio che magnare el vermo del fenocio.
Xe mèjo èssare bechi e ver da becare che no èssare bechi e no ver da magnare.
Xe mèjo polenta in casa soa che rosto in casa di' altri.
Xe par la boca che se scalda el forno.
Zena longa, vita curta; zena curta, vita longa.
Zuca santa che la canta e baruca che la sia muta.

Numero Proverbi sol’argomento: 115