|
A l'amo se
ciapa el pesse, i òmani a l'intaresse.
A magnare el zervelo del pesse se deventa intelijente.
Bacalà a 'la visentina, bon se sera e de matina.
Barbi e rane mai de Majo, parché i fa tristo passajo.
Carne zòvane e pesse vecio.
Chi magna carpion no xe on babion.
Co' no ghe xe pì gànbari, xe bone anca le zate.
De la Sensa le granseole fà partensa.
De Marzo no bisognarìa che pissesse gnanca na rana.
De pesse scanpà no se ne ga mai magnà.
Done, cani e bacalà no i xe boni se no i xe pestà.
El lusso magna la tenca.
El pesse ga da noare tre volte: prima ‘ntel’aqua, dopo ‘ntel’ojo e la
terza ‘ntel vin.
El pesse guasta l'aqua, la carne la conza.
El pesse spuza dala testa.
L'ospite xe come el pesse: dopo tri dì el taca a spuzare.
La testa del barbon xe el mejo bocon.
Magari polenta e pessin, ma na bela testa sol cussin.
Magnà i gànbari se ciucia anca le zate.
Magna renghe e sardeloni: te conservarè i polmoni.
Marsoni friti e polentina, on fià de vézena e vin de spina.
Nela luna setenbrina la sardela se rafina.
Pesse grosso magna pesse picolo.
Quando che la spiga ponze, la sardela onze.
Quando che no se pole ciapare el pesse se ciapa le rane.
Quando la rosa buta el spin, magna gò e passarin.
Quando se vede la raìna se no piove oncuò piove domatina.
Tenca de Majo e luzo de Setenbre.
Tien on ocio al pesse e 'nantro al gato.
Tra i pessi on bel ronbeto, tra i quadrupedi el porcheto.
|
|
