torna indrio

A chi che no vole far fadighe, el teren ghe produse ortighe.
A la botega, vaghe; a la canpagna, staghe.
A la luna de Setenbre la ua e el figo pende.
A San Baldoin se fa el vin.
A San Benedeto la vegna su par el paleto.
A San Bernardin fiorisse el lin. (20/5)
A San Bonaventura el medare* l'è finio in pianura. (15/7)            * mietitura
A San Bovo se ronpe el primo ovo. (2/1)
A San Crispin se pesta el vin.(25/10)
A San Firmin, sòmena el contadin. (11/10)
A San Martin casca le foje e se beve el bon vin.
A San Martin el mosto deventa vin.
A San Martin se spina el bon vin.
A San Pelegrin, poca paja e poco vin. (5/5)
A San Roco le nose le va in scroco.(16/8)
A San Simon se cava la rava e 'l ravanon.(28/10)
A San Vio le zarese le ga el marìo.
A San Zen, somenza in sen.(12/4)
A Sant'Ana le nose va in tana.
A Sant'Erman le arte* in man. (8/2)                    * attrezzi da lavoro
A Sant'Isaco, el formento fora dal saco.(19/10)
A Sant'Urban el formento el fa el gran.
A Santa 'Fema, se scumizia la vendema.(s. Eufemia, 16/9)
A Santa Crose, pan e nose.(14/9)
A Santa Fiorenza xe oncora bona la somenza. (27/10)
A Santa Madalena la nosa xe piena.(22/7)
A Santa Madalena se taja l'avena.
A Santa Pologna la tera perde la rogna. (9/2)
A Santa Toscana el riso el va in cana. (14/7)
A Setenbre se destaca tuto quel che pende.
A somenare col vento se perde la somenza.
Agosto conpisse, Setenbre madurisse.
Agosto madura, Setenbre vendema.
Ai Morti e ai Santi i corvi sbandona i monti e i vien a pascolare ai canpi.
Aprile la spiga, Majo el late, Giugno el gran.
Aprile sparesin, Majo saresin.
Aprile tenperà e Majo suto, formento dapartuto.
Aqua de Agosto, miele e mosto.
Aqua de Aprile, fromento sol barile.
Aqua setenbrina, velen par la cantina.
Ara tanto e sòmena poco.
Bon come l'aqua de Lujo.
Canpo pestà no produse erba.
Cao curto vendema longa.
Cava erba e miti merda.
Chi ara fondo guadagna on mondo.
Chi che ga na vacheta ga na botegheta.
Chi che pianta de Aprile cava de Majo.
Chi desfa bosco e desfa pra se fà dano e no lo sa.
Chi dòpara loame no ga mai fame.
Chi ga canpi canpa.
Chi vol fare mosto zapa la tera de Agosto.
Chi vole on bel ajàro lo pianta de Zenàro.
Co' canta el ciò xe finio de far filò.
Co' canta el galo sola rosà, core l'aqua par la carezà.
Co' canta le zigàle de Setenbre no conprare gran.
Co' riva le Madone tute le zuche le xe bone.
Co' te nassi scarognà, te scanpi dal musso e la vaca te tra.
Co' xe soleselo ghe n'emo on brazelo.
Co'l fromento tra a l'anguro, tàjelo che'l xe maduro.
Co'l gran se incurva el contadin se indriza.
Da la Befana la rapa xe vana.
Da San Giorgio se sòmena l'orzo. (23/4)
Da San Marco la vigna buta l'arco.(25/4)
Da San Matio ogni fruto xe bonio.
Da San Valentin guerna l'ortesin. (14/2)
De Giugno miti la messora* in pugno.              * falce
De San Luca pianta la rapa e cava la zuca.
De San Piero el formento e anca el pero.
De Sant'Antonio el formento indora.
De Sant'Urban la segala conpisse el gran.
De Santa Giustina tuta la ua xe marzemina.
Del Pardon (d'Assisi) se trà la zapa in t'on canton.
Dopo la crose na pèrtega par le nose.
Dove che comada le done e ara le vache, se vede robe mal fate.
Dove che ghe xe canpagne ghe xe putane.
Dura depì i loamari che i pajari.
El loame de cavalo el fruta on ano e no sò qualo.
El primo de Aprile, miti le zuche che le vien come on barile.
Fevraro curto, erba da par tuto.
Fin dai Santi sómena i canpi.
Fongo de Majo, spighe de Agosto.
Formento butà, paron in piè.
Gran fredo de Jenaro se incolma el granaro.
I canpi no vien mai veci.
I nostri veci ga magnà i canpi e i ne ga assà i proverbi.
Incalmà in onore de San Francesco, se no'l taca de verde el taca de seco.
Jenaro co la pòlvare, granaro de róare.
Jenaro suto, gran dapartuto.
L'ajo el xe la farmacia del vilan.
L'ajo guarisse el tajo.
L'aqua de Majo ingrassa el formento.
L'aqua de San Gregorio fà ranpegare la végna.
L'aria de Febraro xe come on loamaro.
L'orto xe mezo porco.
La boca la xe picola, ma la xe bona de magnare canpi e velada.
La piova de primavera ghe ronpe la rogna ala tera.
La piova de San Bernardin la roba pan, ojo e vin.
La pulizia va ben dapartuto, fora che in granaro.
La tera e i canpi li laora i ignoranti.
La tera xe mare e maregna.
Le canpane de San Martin vèrze le porte al vin.
Legna de fasso presto te vedo e presto te lasso.
Loame de porco no loama né canpo, né orto.
Loame, rivai e cavedagne, benedission dele canpagne.
Lujo in tana, se piove la xe na mana.
Majo fresco e ventoso fà l'ano copioso.
Majo fresco, fava e formento.
Majo fresco, paja e formento.
Majo ortolan, tanta paja e poco gran.
Majo piovoso, vin costoso.
Majo suto, gran dapartuto.
Marzo spolvarento, poca paja e tanto formento.
Marzo suto e Aprile bagnà: beato chel contadin che ga somenà.
Marzo sventolaro fromento in granaro.
Marzo sventolon, more la piègora e anca el molton.
Mèjo paron de on canpo che fituale de na canpagna.
Merda e aqua santa fà la racolta tanta.
Na bona aqua de Febraro vale pì de on loamaro.
Né zarese, né galete in granaro no se mete.
Neve de Jenaro inpina el granaro.
Nuvole in montagna no bagna la canpagna.
Par el seco xe bona anca la tenpesta.
Par i Santi, neve sui canpi; par i Morti, neve sui orti.
Par l'Anunziata la zuca xe nata.
Par San Domin sómena el contadin.
Par San Gioachin, l'ortolan nel camarin.
Par San Lorenzo la nosa xe fata.
Par Sant'Antonin, poca paja e poco vin.
Par Santa Cristina se sòmena la sajina.
Par Santa Fiorenza xe oncora bona la somenza.
Par Santa Pologna la tera la perde la rogna.
Par Santa Taresa prepara la tesa.
Pasqua vegna quando se voia, la vien co la frasca e co la foia.
Piova de Zenàro, erba de Febraro.
Pólvare de. Zenàro la inpina el granaro.
Quando che'l sorgo rosso el mostra el muso, xe ora de tore la roca e el fuso.
Quando la canavera fà el penacio, tanta neve e tanto jazzo.
Quando le nuvole va in montagna, ciapa la zapa e va in canpagna.
Quando se travasa se beve.
Quando xe ciara la marina, magna, bivi e va in cusina.
Quando xe ciara la montagna, magna, bivi e va in canpagna.
Quel che Lujo no vole, Setenbre no pole.
Ramo curto vendema longa.
San Paolo ciaro inpinisse el granaro. (25/1)
San Paolo San Paolon, tote su la scala e va a bruscare el vegnon.
San Valentin dal fredo fin, l'erba la mete el dentin.(14/2)
Sant'Antonin el vien lezièro: ormai semo ale asse sia in stala che in granaro. (10/5)
Sant'Antonio del paneto el vien col segheto. (13/6)
Schei, poderi e canpi e na bela coa davanti.
Se 'l dì de San Martin el sole se insaca, vendi el pan e tote la vaca; Se 'l va zo seren, vendi la vaca e tiente el fen.(11/11)
Se el primo tenporale el se sente a vale, bon ano senza tonpesta; se da monte a matina,  on ano de ruina; se tona a mezodì o sera, bon ano se spera; se 'l primo ton vien dal mantovan, vale pi el saco del pan.
Se fà belo a San Gorgon la vendema va benon.
Se Febraro no verdéga in Aprile no se sega.
Se Giugno sguaza poco vin in taza.
Se la luna fa on gran ciaro, poco fromento e tanto pajaro.
Se la luna xe in colore el canego more.
Se Majo fà fresco va ben la fava e anca el formento.
Se Majo rasserena, ogni spiga sarà piena.Se Marzo buta erba Aprile buta merda.
Se Marzo no incodega, a Majo no se sega.
Se Marzo resenta, fromento e polenta.
Se Nadale vien senza luna, chi ga do vache se ne magna una.
Se no piove so l'olivela piove so la brazadela.
Se par Setenbre no te ghe arà, tuto l'ano xe malandà.
Se piove a Pentecoste, tute le entrate no le xe nostre.
Se piove a San Bàrnaba la ua bianca la va via; se piove da matina a sera, va via la bianca e anca la nera. (11/6)
Se piove a San Giorgio ghe sarà carestia de fighi.(23/4)
Se piove a San Vito e Modesto, la ua va torla col zesto.(15/6)
Se piove a Sant'Ana, la xe na mana.
Se piove a Sant'Urban ogni spiga perde on gran.
Se piove a Santa Desiderata, casca la ua e resta la grata. (14/6)
Se piove ai primi de Majo, nose e fighi fà bon viajo.
Se piove da la Madona, la xe oncora bona.
Se piove de San Duane, fen e paja deventa loame.
Se piove par San Vio al vin còreghe drio.
Se piove sui cavajuni, bondanza de galine e ovi.
Soto la neve, pan; soto l'aqua, paltan.
Stajon de erba, stajon de merda.
Stimar la roba in erba l'è on stimar de merda.
Stropa longa, inverno longo; stropa curta, inverno curto.
Tenpo e paja fà fare i néspoli.
Tera negra fà bon fruto, tera bianca guasta tuto.
Uno no fà canpion.
Voja o no voja, Pasqua fà foja.
Zuche e fen int'on mese i vien. 

Numero Proverbi: 183