pag. 33

La magna, lì riunìa, la nostra trupa
- atenti che no passa massa ore -
riussendo a far tàsare la lupa.                                               3

Da lì parte 'l sentiero - che dolore -
col fondo pien de erba e sassi scunti,
che ghe promete a tuti del suòre.                                         6

El tenpo, 'ndando vanti, fà i so cunti
e in mezo a maraveje de foresta
el se decide de lavare i unti.                                                   9

              el tenpo tànbara

Calcun se mete on saco sola testa,
ma piove du minuti, e po'  finisse,
cussita ai curiduri no ghe resta                                           12

che 'ndare 'vanti su e zo pa' 'e bisse
che porta suso, verso Piancavalo.
Daniele T.  xe ore che'l patisse                                        15

par via del ...fondo, che xe senza calo,
e che'l ghe duole, come a on culatiero.
Ciononostante el ghe pare on sbalo                                18

sto giro unico, e sto sentiero
che cava el fià e ronpe anca i piri,
ma 'l fà pensare 'n poco manco al bèro.                           21

Renzo, in dissesa, fà senpre i so tiri,
ma'l resta indrio instesso, poro caro,
parché in salita 'l va come sui viri...                                    24

                  Renzo, lento ma veloce

13 - su e zo pa 'e bisse = su e zo par le curve
15 - Daniele T. = Daniele T.
21 - bèro = culo
24 - come sui viri = e come se va in salita sui viri    

                                                                                         pag. 34

El tenpo passa, e on pensiero amaro,
intanto che la fine se fà 'vanti,
ghe passa par la testa, e xe raro,                                        3

contenporaneamente a tuti quanti:
doman se torna casa.... "Ben, n'inporta,
adesso semo qua, e semo tanti                                             6

a fare su sta strada tuta storta..."
anca la struma xe finia, intanto,
e tribolando i xe rivà ala porta                                              9

vizin al Bus del Giass, dopo 'ver spanto
gamele de suòre. Ala sbara,
tuti insieme i se ne mena vanto                                        12

de 'vere visto on mondo senza tara,
che merita 'ver fato la fadiga
de starghe in mezo, anca co 'a fumara.                         15

Da lì no resta altro che la briga
de fare 'a panoramica, in dissesa,
dove che Renzo mete tuti in riga                                     18

come se 'l ghesse soto 'l culo 'a presa
de la corente del dosentoevinti.
A la baraca, dopo, 'l sta in atesa                                         24

che riva anca staltri sacraminti,
che no ghi'a fà de 'ndare tanto forte
...parché i xe oncora tuti in sentiminti !
Ormai Piancavalo xe ale porte.                                           28

13 - on mondo senza tara = on mondo vero, senza macia, neto, san
24 - la baraca = la baraca del  Sauc