|
pag. 4
Tomaso el resta indrio, a fare el conto
di 'e spedalà che Renzo perde al giro
vardando 'l baretin che mola l'onto.
El mestro e Lelo, inveze, i mena el tiro
par stare 'tenti che calche sentiero
a no ghe vegna in corpo on fià de sbiro...
6
Difati i ghe leze sol pensiero;
dopo 'n bel fià de salitina sana
le robe no ghe torna al nochiero:
9
na sbara pararìa menare in tana,
ma so la carta la xe difarente,
cussita i tira vanti (chi'a putana...).
12
"A 'ndare in basso no ne costa gnente",
a pensa insieme 'l grupo temerario,
ma dopo mile metri ghe vien in mente
15
che, par no perdar punti co l'orario,
xe mejo che calcun - ghe toca a Lelo -
se ofra par scoprire el circondario.
18
L'esploratore 'l dise, ma che belo,
che forse xe la sbara el posto justo;
cussita i quatro ochi de Penelo
21
i famusi ochi de Penelo 
i torna indrio, catandoghe anca gusto
a fare chi'a dissesa ...'ndando in suso.
El Mestro perde on ponto, sto betusto!
24
3 - 'l baretin che mola l'onto = el famoso frontizo che
sgioza suòre
4 - i mena el tiro = i va vanti,
i tira el grupo...
10 - menare in tana = portare so la strada justa
21 - ochi de Penelo = ochi famusi parché i jera tanto ochi
pag. 5
Sorpresa: dopo ' a sbara ghe xe on buso,
na specie de caverna co del giazo:
"El Bus del Giass", ne dise on bruto muso
3
che no 'l ne da notizie, sto pajazo,
so 'a via ca stemo in zerca de ciapare.
I quatro i ghe fa cussì col brazo
6
e i segue senza tanto protestare
la sia del Mestro, su par chel sentiero
che'l mona ciama "strada militare".
9
On bel sterato, ben jarà, xe vero,
co del'erbeta che cuerzea i sassi;
tuta dissesa e, sarò sincero,
12
on sbalo par i nostri quatro assi.
Che roba el Cansilio, che foresta,
che posti, che silenzio: te te ingrassi
15
a védarte chì faji so la testa.
par traversarla a ghe vole on'ora,
on'ora de goduria, de gran festa.
18
Girando el tenpo passa, chi'a malora,
cussì, rivà ala fine del sterato,
i quatro ga 'l pantazo soto sora
21
pa'l solito problema intemerato:
la lupa, 'l dijuno, la fame insoma!
Tomaso el ghe n'à che'l pare mato.
24
3
- on bruto muso = on indijeno ca ghemo catà sol posto
4 - sto pajazo = el bruto muso de prima
6 - ghe fa cussì col brazo = la man sinistra batù forte sol brazo
destro che'l se piega e co la boca se dise
"toh!". Sarìa come dire
vaffanculo.
9 - che'l mona = el pajazo de prima
16 - faji = el fajo xe on àlbaro da legna: tegnù ben el vien vecio,
grosso e alto assè.
24 - Tomaso el ghe n'à che'l pare mato = anca Leonardo, Renato e
Renzo
pag. 6
Fortuna che'l destin ghe dà la poma
so 'n posto co do picole casete,
sarà, ma tegnù ben depì de Roma:
3
do baite del CAI fate perfete.
Calà int'e chel posto da insogno
i quatro, co na fame da sanguete,
6
i ga ingiutio tuto el fabisogno
bevendoghe par sora na boracia
de aqua portà su da Ca' del Togno.
9
Fato ...de tuto, rinfrescà la facia
e lete le carte del condotiero,
i quatro curiduri i parte in cacia
12
del NoveNoveUno, on sentiero
par càvare da late e par moltuni,
ma belo da far gòdare el braghiero.
15
Ghe jera salti, buse e pieruni,
raise par traverso e becaure,
le sole che ronpea on fià i maruni...
18
Ma i quatro nostri, vinte le paure,
i s'a butà in dissesa co corajo,
parché i xe quatro co le bale dure!
21
Rivà de cao, i ciapa 'n passajo
che, largo, 'l porta zo tuto in dissesa,
ala caserma "Vinticuatro Majo"
24
di'a Forestale, messa lì in difesa
de tuto chel popò de teritorio:
na volta tanto vale ben la spesa!
27
1 - ghe dà la poma = el li porta sol posto justo, a
destinazion
2 - picole casete = du rifuji del CAI, ciamà Casera Ceresera
9 - Ca' del Togno = chel cesso del'albergo Park Hotel
10 - Fato ...de tuto = ghe jera anca on gabineto da canpo
15 - far gòdare el braghiero = censura
24 - caserma = in località Candaglia
27 - vale ben la spesa = anca se la guardia no ghe jera...
pag. 7
Vizin a lì ghe xe on'osservatorio
che mostra in basso tuto l'altipiano:
na vista che la vale on enporio!
3
Da lì parte na strada, caso strano,
de sfalto che finisse sùito dopo
int'on sterato ben batù e piano
6
che solo a nominarlo vien el gropo:
chilometri de bosco, squasi nove,
fati de xolo, senza gna' on'intopo
9
e spedalando, dopo tante prove,
co calma, int'on silenzio gnanca vero,
senza sentire gnente che se muove.
12
"L'Italia, dise Renzo, 'a xe on mistero:
la xe, in tanti posti, on luamaro
tegnù da intelijenze soto zero;
15
e qua la xe on posto cussì caro!"
Pi' vanti, Lelo, sta da elo solo
vardando de passajo on bagolaro.
18
Rivà ala fine del chel steratuolo
el Mestro ga brusore el tafanario
par via dele mudande, poro fiolo,
21
che le ghe fa sofrire on calvario
supà, come chi'e xe, del so suòre.
L'operazion de tirar via 'l "sudario"
24
la ga durà, me digo, zinque ore...
Intanto, ala fine del sterato,
a tuti staltri a ghe pianze el cuore
27
3 - la vale on'enporio = la ga on valore grande assè
7 - vien el gropo = se se comuove
10 - dopo tante prove = dopo tante fadighe
18 - bagolaro = àlbaro che dà le bagoline (no ghe n'è, in Cansiglio).
|