pag. 1  pag. 2  pag. 3  pag. 4  pag. 5  pag. 6  pag. 7  pag. 8                sara tuto

I ga da robaltare chel scanato
           del monte co le antene dela NATO,
           che ogni curva el pare lì de cao,
           ma sùito dopo el ghe dise "s-ciao".
 

                                La strada, a essendo militare,
                                no 'a xe segnà so 'e carte da studiare,
                                però la se presenta tut'on trato,
                                e on bel cartelo dise: "Xe vietato
                               

                                         fotografare e anca 'ndare suso,
                                         parché cussì a cometì on abuso
                                         e chi che va xe destinà a ciapare
                                         arquante fusilà so le gonare!..."
 

                                                     Tremila metri dopo e arquanti avisi
                                                      i riva in veta al monte, ben decisi
                                                      che no ghe xe cartei che ghe comanda
                                                      ai quatro conponenti dela banda.

    Do, tre fotografie, po' zo in pichiata,
    po' nantro fià de strada intemerata
    fin che la trupa no la riva in vista
    del lago ch'i zercava drio la pista.        

 durante la dissesa i cata di'e parmensi
 che no xe pi' bone girare la machina
 e che le ghe domanda ai nostri s'i xe           El posto xe belo, deserto e chieto
 leghisti:  No, ciclisti!                                       e se ghe riva par on sentiereto
                                                                          che za in dissesa el ghe fa pensare
                                                                          che par tornare indrio cogna pentare.

 
                                Al'onbra d' on bel fajo secolare   
                                i taca, finalmente, a becolare
                                e, anca se'l panin xe massa duro,
                                la baretina la xe come el buro.
 

           La sosta dura on fià, in riva al lago,     Lago Paduli o Lagastrello; m 1157
           parché el tenpo no ghe assa spago;
           i varda d'i cavai on poco oncora,               siè cavai molà a ranciarse...
           i pissa e i gira el lago inte mezora.
        

I riva pantezando sola 'sfalto
           zercando on sentiereto che va in alto,
           ma no ghe xe cartei par catarlo:
           so 'a carta l'è segnà, bison' zercarlo!
 

                                L'informatore càncaro de turno
                                ghe da na drita al grupo, sto maurno,
                                disendo: - Zo par lì se va a TORSANA
                                (ma no xe vero gnente, chia putana...)
 

che ghe vegnesse la fersa...      - 'Assè la strada a destra, 'ndè zo driti;
                                                     ma dopo zento metri i jera friti,
                                                     parché 'l sentiero, largo, el finia
                                                     in mezo a dele russe a calche pria.
 

                                                               Scumizia, 'lora, 'l giro in mezo al bosco
                                                               del'Apenino emiliano-tosco,
                                                               dissesa, po' dissesa e via cussita
                                                               finché la mulatiera la vien drita:  

           sessantasiè par zento de pendenza,              ...in dissesa
           segnai no ghe ne xe: on'indecenza.
           Finia la dissesa ronpicolo
           i cata da passare un torentuolo
 

                     da dove che'l sentiero tira in suso,
                     mostrandoghe na piera, on salto, on buso.
                     Desmontabai: da lì se spenze el fero.
                     A Renzo no ghe pare gnanca vero:
 

                                - No xe parmesso, el dise, xela vita
                                a pantezare su par sta salita?
                                Intanto el Mestro, int'uno d'i so tiri
                                el ris-cia de assarghe corni e piri:
 

gran bota sola ganba destra!        zercando el calìbrio 'l mete in falo
                                                         on piè, el salta zo dal so cavalo
                                                         e par on pelo no 'l va rugolare
                                                         par la scarpà de destra: bruto afare...
 

                                                        Dopo on'ora de sassi da saltare
                                                         bici 'n spala, fadiga respirare,
                                                         a se fa vanti na mura fata a man
                                                         e sùito dopo a sbaja anca on can.
 

                                In do e do quatro,  pare ganca vero,
                                i ghe passa in parte al zimitero
                                e dopo on metro o forse zinque, siè,
           jera ora...     a conparisse di 'e case oncora in piè...
 

                     Na fontanela de aqua, la cesa,
                     on bel porton co na scala in dissesa:
                     po' nantra scala e nantra fontana.
                     - Qua dove semo, paron ?: - A TORSANA!    
                                                         

            Finalmente, a jera proprio ora
            che sto paese el saltesse fora.
            - A semo strachi, signor, fa Tomaso;
            e Renzo sgronda suore pa 'l naso.          

               - Che presepieto - dise Osca' - el luogo,
                 scaenando par incanto on gran sfogo         A ghe vorìa uno del cinema
                 d'on sior, forse de casa là de sora,              o senò on  pitore par tirare zo                             
                 on tipo ciacolon che 'l se infarvora               tuta sta beleza...
 

                                contandoghe la storia del paese:
                                - Ma io ci resto ancora solo un mese....
                                E on vecio nato lì e lì a la morte:
                                - Ci rimaniamo in quattro a queste porte!
                               

                                          I nostri eroi se varda int'i oci
                                          e dala comozion ghe vien i snaroci.
                                          Pì tardi Oscar, sajo pì che mai,
                                          el fa: - Se uno muore, come fai
 

in spala a tri?...                 a strapegare 'a cassa al zimitero?...
                                                     ( chel toso dele volte, so sincero,
                                                     el dise dele robe da criare
                                                     e chi che scolta taca sganassare ).                                                                            

                                
                                Na volta conossii tut'i paesani
                                e 'vere repossà i maronbolani,
                                el nostro protonzin, fato on saludo,
                                el ciapa na dissesa de veludo

                     che dopo on quarto d'ora de volata
                     li porta driti al piato de salata
                     che xe za pronto in tola co spaghiti,
                     brasole, vin e arquanti fromagiti.                                                    

El Mestro, porocan, dal gran suore                               
el s'a catà parfin rasìo sol ...cuore;
guarìo c'on onguento dà in omajo
el ga magnà anche 'e croste del fromajo...
                    

                     Renzo, fantolin, ga magnà de manco
                     parché - cussì 'l ga dito soto banco -
                     el xe ingorgà da squasi na stimana.
                     Se 'l cede de colpo vien na brentana!

                                                                                                                                                                                                                 ...A se ghemo godesto come i mati               Torna su...