sara tuto
pag.
1 pag. 2 pag.
3 pag. 4 pag.
5 pag. 6 pag. 7
pag.
8
sara tuto
QUARTO DI'
ZOBA, 4 SETENBRE 1997
A
CACIA DEL SENTIERO PAR TAVERNELLE,
SPERANDO
CHE LA COMUNITA' MONTANA....
INFORMAZION
TENICHE:
Ora de partenza:
9.30
Ore de sela:
2.56.07
Chilometri fati:
26
Velocità de media:
8.8
Velocità pì forte:
52.6
Ora de arivo:
15.30
Dopo tri dì de sentieri de bojo
el quarto,
zoba, justà l'orolojo,
vardà le
carte e deciso el laoro
i marajuni -
question de decoro -
i vole darghe la steca al sentiero
che parte in alto, dal Gropo San Piero.
Xe on sole caldo e l'aria pì fina
chi ga sentio dala prima matina:
- Cussì no suo,
se contenta Narenti,
che ogni dì ga sgiozà fin dai denti.
E intanto 'l penze, col sole che bate
so tute 'e parte, parfin so 'e culate.
Dopo el lagheto i riva su al Gropo
come
al solito, sol pì belo el
segnale
dove ch'i cata de colpo on intopo:
rosso
del sentiero va in mezo ale russe... el steratin del Trekking Lunigiana
l'è sconto oncora: la xe na condana!
Intanto i vede, so 'a costa distante,
quelo ch'i
zerca: - Chel can d'on brigante,
se incaza el
Mestro: - a costo de stare
fin a
stassera pa' 'ndarlo a ciapare...
....I va in'avanti, in zerca del vargo;
i se ricorda de uno de largo
ch' i ghea za visto on par de dì prima
quando ch'i jera in cacia di'a zima
del
monte Giogo, quelo di'a NATO
che 'ndarghe sora a jera vietato:
..."ma no ghe xe cartei che ghe comanda
ai quatro musi duri dela banda".
El jera quelo, i lo ciapa, i va zoso;
i magna on pomo, parfin, dal narvoso
che fa vegnere l'autore di'e carte:
(n.d.r.) i ga rason, i ghe n'a da insegnarte.
Che posto, on'insogno, salvadego assè:
in tuto el
mondo chissà se ghe n'è
semo
al'incirca a novezento metri s.l.m.
de mulatiere conpagne de questa.
Cussì i se ferma, parché la ghe resta...
Magnà co i oci chel posto da fola
i monta in sela po', senza parola,
i va in dissesa schivando raise,
masegne, jaron e on caspo de sbrise,
passando vizin, che 'l diavolo 'a porta,
a na carogna de piegora morta.
Dopo, el sentiero se fa pì cativo
la xe na mulatiera, ma la pare
pien de pieruni, scavà, malgualivo,
poco doparà...
co na pendenza che ocore pozare
la panza in sela par no capotare.
Renzo, al solito, el va pì forte
senza cascheto, sfidando la sorte.
In basso, 'l paese de CATTOGNANO
delà de on monte, rispeto a COMANO,
se fa vardare inti'a so beleza:
- Che jornatela, che gran contenteza!
I fa d'i cunti: tri quarti de ora
par vegner basso dal Gropo de sora,
co on dislivelo che ismissia 'e buele.
Par consolarse i vendema nosele..
Magnà on pometo e i
fruti del bosco
i monta in sela, spià da on bel rosco
che sluse al sole, gunfiando la panza:
- Passè par là, zente senza creanza!
Ghe xe on silenzio che pare gnan vero
fin ch 'i
camina so 'a 'sfalto, in pensiero
par TAVERNELLE, la meta inseguìa.
Ma
calcheduni la ga portà via...
L'informatore indigeno de turno
stavolta no 'l fa rima co maurno:
infati el jera solo on bel vecieto
indormezà so 'n Sulky e on fià sordeto,
che ai cicristi el ghe parea morto
quando ch 'i lo ga visto tuto storto.
- Signor, lo ciama Renzo on fià indeciso;
- Mi ero addormentato, di preciso...
- Andate a TAVERNELLE? In fondo a destra;
per me, però, è pronta la minestra...
Tomaso in salita fa fadiga:
- Speteme, tusi, a me s'a roto 'a biga...
- Maledission, stavolta toca ai freni,
ma intanto
pisso on fià, go mal de reni...
E la xe 'nda
che mezodì sonava
e a
Tavernelle oncora se justava.
Fato el laoro, senpre ai
stissi prezi,
el tenico el
mete via i atrezi.
Dopo i parte
in zerca de fortuna,
Tomaso
indrio, parché 'l ga la luna.
Quando ch 'i smonta dal fero, a VARANO,
xe squasi on boto e, par caso strano,
i ga za fame; cussita i se inventa
de far fora torta, pumi e pulenta.
Renzo fa on urlo: - El colpo di 'a striga,
a sento male la vita, el ziga....
Par colpa soa, pa' i so piagnistei,
i quatro fa su cazuola e martei.
Desso ghe resta chel poco de viajo,
tuto de 'sfalto, ma pezo de
l'ajo
par el poro Renzo che 'l ga l'afano
dal mal de vita, e po' i xe a
COMANO.