pag. 1  pag. 2  pag. 3  pag. 4  pag. 5  pag. 6  pag. 7  pag. 8                 sara tuto

Drio la strada ghe xe na ceseta
           de mile ani, ma tanto perfeta
           che la pare nuova, fata da jeri:
           na visitina soleva i pensieri.
.                               Fin che i pedala, vardando l'orario         
                                ghe vien on pensiero straordinario:
                                - Rivà in albergo, femo la docia,
                                dise Tomaso, e se no ve scocia

                              ciapemo 'a machina e 'ndemo mezora
                                                     a visitare 'l paese de sora:
                                                     - Camporaghéna? Sicuro, i risponde.
                                                     Jera la quatro e meza, rotonde
 

                                                                          e soto el sole oncora ben caldo
                                                                          el nostro grupo viajava spavaldo
                                                                          verso chel luogo, Camporaghéna,                                                                                                                               che solo a dirlo a vale la pena.  
                                                                                                                                                                                                                               

                            - Sona, Maestro, insiste Tomaso;                                                                                 
                                        -  Te ghe rason, a xe proprio el caso,                                                                 
                                        la strada streta, paraltro, no 'assa                                                                              
                                        che nantra machina in parte la passa...
 

                                                     Jera destin che ala curva seguente
                                                     se fesse vanti on afare inponente,
                                                     on Catapirla, on rinoceronte
                                                     che la Mondeo se ga visto de fronte.

                                - Frena, no 'l passa, el ne copa, el riva...
                                I anzoliti sonava la piva
                                pa' i quatro nuovi che ghea da rivare.
                                Dio ga volesto che 'l riessa passare!
 

           Le ganbe tremola, Oscar xe bianco,
           l'omo di 'a ruspa va via soto banco
           Renzo ga visto, ma no 'l jera agità.
           El Mestro e Tomaso i ghea za cagà...

                 
           Camporaghéna xe sta ala so alteza:
           la jera proprio na bela beleza.
           Case de piera, de tremila ani;
           pace e silenzio, né pressa nè afani.

                                                            
Uno d'i quindese       Nèstore, on vecio nato dal diese,
abitanti del paese...   mente de aciaio, la lengua on arnese,
                                    el ghe ga dito parole da inferno
                                    contro la leje del nostro governo.
 

                                                                - Qui non è giusto pagare le tasse,
                                                                quassù nessuno ha soldi a casse:
                                                                neanche il sindaco sa che ci siamo.
                                                                Qui siamo nati e qui ci moriamo...
 

                                                                          i ga vardà e visto 'ncora pì belo,
                                                                          chel paeseto stajà contro el zielo.
                                                                          Po' i xe 'nda via, assandoghe el cuore
                           mitico Nèstore!                    a chel vecioto e tuto el so ardore.

Da lì, la visita la s'a esteso
           a staltro borgo, Torsana, conteso
           da quatro àneme, quatro abitanti
           da rispetare e tratare coi guanti.
 

                                Zente serena, contenta di 'a vita,
                                za rassegnà a spetare cussita
                                che 'l tenpo passa da galantomo
                                come pa 'l gato, pa 'l merlo, pa 'l pomo.
 

                                          Jornata piena de robe in scarsela,
                                          guarnia par ben co na scagarela.
ocore spiegare de           Che ghe vegnesse on colpo 'ntel sono
chi che se parla?             a elo, so mare, so pare e so nono...    
 

                                                    Noantri ne basta ver fato na straje
                                                    de sentieriti, de russe e passaje,
                                                    de mulatiere, salite e dissese.
                                                    Cofà chel vecioto, nato dal diese.

                                                     SE VEDEMO NANTRO ANO...

                                                    Par saludarse, dirò che' l di dopo
                                                     fate 'e valise co in gola on gropo,
                                                     i quatro rusteghi montabaisti
                                                     i s'a introdà come i bravi turisti

                     che ga finio la so bela vacanza.
                                          Se le mojere vorà, par creanza,
                                          anca nantr'ano i 'ndarà in calche luogo
                                          par darghe aria al solito sfogo.
 

                                                     La bicicreta ruspante xe on'arte
                                                     che no bisogna assare assare da parte.
                                                     Par dirla tuta, se revedemo
                                                     nantro setenbre. A ghe saremo!                                                                                                                                                                                                                                                           Se ghemo godesto come i mati....  

                                Leto e sotoscrito da:      Oscar, Renato, Renzo, Tomaso

                                                                                                                                    Torna su...