pag. 1 pag. 2 pag. 3 pag. 4 pag. 5 pag. 6 pag. 7 pag. 8
sara tuto
pag.
1
pag. 2 pag. 3
pag. 4 pag. 5
pag. 6 pag. 7
pag. 8
sara tuto
INTRODUZION, CHE LA GHE VOLE....
In gropa al fero vecio anca sto ano
a ghemo fato tapa su a COMANO,
siezento e ruti metri sora al mare:
e la xe nantra storia da contare...
La LUNIGIANA ga na gran virtù:
de farte vegner oja, 'pena su,
de inforcare el ...toro par i corni
e 'ndare in sbrinzolon par i dintorni;
tera
de storia, de aqua calda e vin,
distante dal paese de Suisin,
ma tanto bela ca la ghemo eleta
seconda mama, dopo quela de teta.
Se ga riunio la stessa conpagnia
che ga za fato su la Folgaria:
i soci fondaduri, Renzo e 'l Mestro,
e po' Tomaso, e Oscar col so estro.
Le
sete, forse oto paginete
che segue sùito in coa ste siè strofete,
le serve, come senpre, par piantare
i ciodi sora 'e robe da contare,
parché senò sucede che coi ani,
co' riva el tremolin e altri malani,
a se desmenteghemo de ste inprese
che solo a prepararle serve on mese.
Godémose....
PRIMO DI'
LUNI, 1 SETENBRE 1997
A
SPASSO FIN AL LAGO DE LAGASTRELLO,
DE
CAO DEL PASSO CHE SE CIAMA CONPAGNO...
INFORMAZION
TENICHE:
Ora de partenza:
9.45
Ore de sela:
4.13.07
Chilometri fati:
39
Velocità de media: 9,2
Velocità pì forte:
60,01
Ora de arivo:
18.52
La prima matinata el sole s-cioca
chel tanto
che'l rostisse la bicoca,
ma i quatro
cavalieri senza macia
i ga corajo
de vardarlo in facia,
de ciapar su la fida bicicreta,
de torse in borsa pan, pumi e bareta,
de ingroparse el fazoleto al colo
e po' partire, come uno solo.
Salita, sùito, par scaldare i bronbi,
ma la va su de bruto e i quatro zonbi
i taca par incanto za a suare,
oncora prima de incumiziare.
...el pare na grondara
Renzo no'l pare gnanca quelo del caso:
fin che'l suòre spissola dal naso
el mostra a tuti quanti la so piaza
despanpanà de joze de na raza
grossa cofà na caramela valda;
e staltri,
ch' i panteza a bota salda,
i pensa, brontolando co retegno,
che chel
calore sia on bruto segno.
Finio el primo trato de salita
e rajonà sui casi dela vita,
Il Groppo di S. Pietro
passando in
parte ai resti de on castelo
i pensa de montare anca so quelo.
Fin lì la strada jera tuta 'sfalto,
ma le ruine jera on fià pì 'n alto
e par rivarghe i quatro pelegrini
i ga dovesto fare ...d'i scalini;
col fià pì
tronco de on cavalo bolso
par via de
chel sentiero, e col polso
che tanburava a
zentotrenta l'ora
in du minuti
i riva là de sora.
Na volta mandà in mona
la pendenza,
che su in
montagna no se ne fa senza,
rivare e amirare el panorama
xe mejo di'e
careze dela mama.
Na vecia, so la via dela dissesa,
la ghe domanda a Oscar se ghe pesa
suare su pa 'l pra, co chia
salita:
- Signora, dise Oscar, la
sconfita
la xe la pezo roba che ghe sia
e alora, cara la veciota mia,
xe mejo pantezare 'ndando suso
Oscar parla par metafora...
che far de manco de catare el buso.
Disendoghe che, po', zo ghe xe 'e done
la vecia sbota: - ma, staràle bone?...
al che, co la sajeza del barbiere,
el ghe risponde: - Avete da savere
che i òmani par so natura e vita
a costo de 'ndar su par chia salita
i pol ranciarse senza dele done...
e ela: - anca noantre semo bone!
Finio el batibeco e anca el sentiero,
piantà par ben in sela al so destriero
tuto el quarteto repéja a sbufare
par la salita 'sfalto da domare,
che anca se no 'a xe on bel sterato
- de quili che te fa vegnere mato -
la va su, chieta, in mezo ala montagna:
cussita anca el gusto ghe guadagna.
Calche tavan
el tenta la fortuna,
becando na
culata e anca una
di' e ganbe
del Maestro e de Tomaso,
ma ili i ghe
fa apena caso...