Fritaja infasolà
piato unico                 

_________________________________________  torna indrio

          

Par quatro che magna

8 ovi
on sculiero de ojo stravergine de oliva
on sculiarin de buro
on sculiero de grana gratà
8 sculiarà de fasoi za fati (in tocio o sguelti)
Sale e pévaro

         Se fa cussì:

  1. So na terina, sbàtare i ovi e po' smissiarghe insieme el grana e i fasoi, metendoghe sale e pévaro che basta

  2. So na paela antiaderente larga, scaldare l'ojo e el buro, po' butarghe drento la roba dela terina

  3. Assare a fogo vivo senza smissiare e col cuercio, fin che se cusina da na parte

  4. OPERAZION DELICATA: co na paleta de legno destacare tuta insieme la fritaja e po', jutandove co on cuercio, rebaltala e remétarla in paela, che la se cusina ben anca da staltra parte (la ga da rosolarse on fià)

  5. Co' xe coto, tajare a spighi e servire de bojo.