pag. 1  pag. 2  pag. 3  pag. 4  pag. 5 

 

 

       LA VETTA DEL FINONCHIO

             ZOBA, 5 Setenbre 1996

  

    Fin ca femo marenda, Tomaso ne confessa che ormai el sa dove ca semo.
    Fora el tenpo xe na roba unica.
    On sole splendente ghe fa ciaro a tuto el cielo, che'l xe celeste patoco e lānpido.
    Oncuō faremo on giro unico al mondo.
    Ghemo deciso de scalare el MONTE FINONCHIO, gnente che altro.
    Ale 9 e meza semo za in sela, ala volta de GUARDIA.
    Xe quatro dė che Oscar el ga ociā sto paeseto, somenā sola costa del monte di fronte a Folgaria, ma tanto pė in basso.
    "Ghe xe de sicuro on steratin che porta lā basso", el pontificava.
    "Fin che na mosca magna on pero a ghe semo"
    Vardemo la cartina.
    El steratin el ghe xe.
    Via ca lo ciapemo.
    In do e do quatro montemo sol carezon de montagna deto sterato, che'l se buta subito in dissesa, a costejare el coston soto Folgarėa.
    Int'on colpo de man semo fora dal mondo. Continuemo, dopo el primo toco de dissesa, co na salita dolze che la ne incanta.
    Dopo de quela la xe oncora dissesa, po' na salitina e, par finire, l'ultimo toco in zo, fin ala cascata dell'Hofentol.
     Fin chi el sentiero jera belo largo, tanto che Renzo no'l ga gnanca visto on posto co do panchine in bilico sol buron.
    Da chi el deventa streto, ma, anca se'l va su de bruto, el ne porta in pressa a GUARDIA  (875 m. ).   
    
    El paese xe picolo, ma tirā a spago.   
    Ogni casa, ogni, la ga on afresco sola faciata o so nantro muro, grande e pien de coluri. I lo ciama el paese dei Murales.
    Tuti i mostra sene de vita o motivi de relijon.
    Davanti a na casa ghe xe on vecioto sentā sola porta. 
    Chissa da quanti ani.
    Ghe domandemo la strada par Serrada, quela vecia.
    "L'č tuta in salita, piena de prie", el ne dise.
    "Se ghe passa i traturi passemo anca noantri", spiega el Mestro.
    El vecioto ne varda, po el varda la mojere e ghe vien da contarne de on so amigo che, fasendo on sforzo in bicicreta, el gā assā le tanpeline.
    "L'a fat'un s-cioc", el dise, "Lu l'č ndā de lā e i schei ič restā qua!".
    Se consolemo de no čssare amighi sui, e partiemo.
    Xe vero che la strada vecia par Serrada la xe bruta.
    E dura anca.
    Tomaso el fa de tuto par passare vanti, ma Oscar no ghe assa.
    Renato vien mandā in perlustrazion.
    Renzo xe indafarā a suare, par tegnere insupā el baretin.
    "Quanti pecati ca ghemo da scontare", se lamenta Oscar, "par dover fare tuta sta fadiga?".
    Ma va lā!
    Femo presto a rivare sola sfalto, la strada nuova che va a Serrada.
    Dopo na curva ghe xe on cartelo:  

                                           ...A queste dovėvino rivarghe  

    Vedendo la strada, Tomaso domanda dove che xe la scala pa' 'ndare suso.
    Oscar , senza perdare tenpo, el se da ala fuga co Renzo dedrio che lo tanpina e Renato davanti che ghe intriga.
    Par fortuna che la dura solo on chilometro.
    Dopo el xe on atimo rivare a SERRADA.  (m. 1.250)    
    Data l'ora che saria squasi on boto, sentiendo rumegare el stomego se fermemo a becolare calcossa, tanto el paeseto el xe deserto.
    Se ponsemo, ma gnanca tanto parché no bisogna e po' se metemo in zerca del sentiero sterato de guera strongārico che va sol M. Finonchio.
    Lo catemo, purtropo.
    Ma el xe galantomo.
    El ga on bel fondo, el xe belo largo, el xe al'onbra e no'l va gnanca tanto su.
   

                    Al segnale            Dosso di Santa Cristina

decidemo de fare na deviazion, par védare de cossa che se trata.
    El xe on sentiero de sotobosco, pien de aghi de pin, in salita gnanca tanto muisina.   
    Dopo vere sbaliā arquante volte, ne toca desmontare, tacare el musso a on ālbaro e 'ndare vanti a pič.
    Dessora ghe xe dele trincee de guera e, in veta, na busa fonda.
    Ne basta cussė, par tornare indrio. 
    Oscar el vede porcini dapartuto:
    "Ecolo, uno", ma la xe na raisa;
    "Vardč questo, tusi": na foja.
    " Questo lo catemo", ma se trata de on porcino ...fato da on can  

                                       Vestissi na fassina e la pare na regina.

     Parcaritadedio.   

    Se ciapemo sola strada de prima che, poco pė vanti, la se fa pė dura e pė sassosa.
    Dopo na picola sosta par darghe da bévare al'orto, bisogna 'ndare vanti.
    "Dovemo fare presto, tusi, sa ghemo da sderenarse", ne fa corajo Oscar.
    Ben, pantezando par nantro quarto de ora vedemo finire el bosco e conparire on prā.
    Poco pė vanti, sola veta, ghe xe el rifujo F.LLI FILZI, a 1.603 m. de alteza de montagna, proprio sola veta del Monte FINONCHIO.    Gnanca farlo posta, pena ca desmontemo dal fero, taca a piovare.
    "Ca se femo do asagnete?", ghe vien da dire al Mestro.
    Nissuni acčta, ma tuti core drento al rifujo, sentandose a tola.
    "Gala vin, signora?"
    "No".
    Bevemo aqua, alora...

                                           El bon vin se cata dal paroco...

    Magnā e sbalā la piova, se metemo a vardare el panorama. 
    Se vede dapartuto: Trento, Rovereto, l'Adese, Folgaria e tuto torno.
    Meritava.
    Par no intrigarghe oncora ai ōmani del'ENEL, ch'i va a funghi pitosto che sol pilon dela luce, se metemo in dissesa.
    Come par on incanto Renzo sparisse, prima ca ghe femo le solite racomandazion:      
                                      Tuto se justa, fora che l'osso del colo    

    Par fortuna che elo no'l dopara el casco.
    Tomaso, che inveze el lo ga, el resta indrio.

                                                    Beati i ultimi se i primi ga creanza.  

    Ghe metemo manco de gnente a 'ndare zo a Serrade, ma la testa la scorla come on bussoloto pien de sassiti.
    La pastasuta del rifujo la xe oncora sol  stomego, cussė Oscar el se rifiuta de bruto de ciapare par la salita che ne portaria sol sentiero par el Forte di Dosso del Sommo.
    A podarėssino farse nantra poca de dissesa rustega.
    Nein!
    Zo par la strada sfaltā, alora.
    Sosta al Belvedere, che'l xe senpre on bel védare, e po' via de corsa fin a Folgaria.
    So na sbrancā de minuti semo in albergo, co 27 Km de viajo belo assč sole ganbe e in testa.
    Xe obligatorio farse la docia e 'ndare a Cappella de Lavarone: ghe xe on enporio de scarpe, che el Mestro ghe n'a de bisogno.
    No ghe n'č de adate...   

    Mejo: Scarpe vece sparagna le nuove.

        Xe zoba de sera, che vol dire che doman, essendo včnare, se parte.

    A QUESTE DOVIVINO RIVARGHE.   

    Va in mona, Renzo.                                                                                                                                                   Torna su...