torna indrio

Un lionfante vecioto grando e grosso,
l’anava, verso sera in riva a un fosso
par védar se ‘l podea, pora creatura,
rinfrescarse el gargato da l’arsura. 

La porbòsside asguelto ‘l molea zoso
e po’ ‘l ciucea come la teta un toso.
Ma un zorno, tuto un colpo, ‘l se inacorze
che ‘l ghea davanti, nudo come un sorze,
un cristian derelito, un poro ometo
che ‘l gavea par porbòsside un tubeto. 

El lo varda, el lo studia, el fa: Poareto,
ma par bévare, dime, come feto?
Ma subito le robe xe sta ciare,
quando l’ometo s’à incucià a cagare.