torna indrio

Go volesto metare in “rete”, come la poesia grave, malinconica e profonda de Gino Meneghel, le rime argute e gajarde del Prof. Cévese, emerito e famoso chirurgo nato a Vicenza, ma cressù in tuti i sensi a Padova e che, purtropo, ne ga assà da arquanti ani.
El soo  xe on dialeto bastardà, ma pien de vita e senza peli so la lengua.
Lèzare Pier Giuseppe Cévese (che se autodefinisse Piero Bepi Tragante) el xe on obligo par chi che vole inparare calcossa dala vita.
Quele scrite sol sito le xe solo poche dele poesie racolte sol libro “PAR PERDARSE VIA”, on testo che chi che ghe piase el dialetto e, depì oncora, l’ironia messa in rima, co mile varianti fra l’altro, dovarìa senz’altro avere. El xe anca fornio de na casseta rejistrà dal’autore stesso.
Mi spero de èssare perdonà sa me permeto de divulgarne na parte.
Par el resto ve consilio de conprarve la confezion libro-casseta, edito dala “Biblioteca Cominana”.

Bon divertimento.