|
A l'istà
piove a contrà.
A la vizilia de San Joani piove tuti i ani.(24/6)
A le prime aque de Agosto la tortora la va via.
A morire e a pagare se fa senpre tenpo.
A San Bassan on fredo da can.(19/1)
A San Belin el jazo sol caìn.(12/10)
A San Clemente l'inverno mete el dente.(23/11)
A San Donato el fredo l'è fato. (7/8)
A San Gioachin el primo freschin. (20/8)
A San Gorgon xe finio el tenpo bon.
A San Luca el ton el va in zuca.(18/10)
A San Matìo el bel tenpo xe finio. (21/9)
A San Modesto el fredo vien col zesto. (12/1)
A San Nicòlo tira la neve sol colo.(6/12)
A San Saturnin la neve sol camin.(28/11)
A Sant'Antonio dala barba bianca o piova o neve no la manca.
A Sant'Ubaldo se fa vanti el caldo.(16/5)
A Santa Catarina el fredo se rafina. /25/11)
A Santa Catarina el jazo so la pissina.
A Santa Catarina la neve se inchina.
A Santa Caterina se tira zo la scaldina.(25(11)
A Santa Liberata freda l'invernata.(18/1)
A Santa Lucia la note pì longa che ghe sia.(13/12).
A Setenbre, chi xe esperto no viaja mai descuerto.
Agosto rinfresca el bosco.
Ai du passa la nuvola del Perdon. (2/8)
Al dì d'i morti la neve xe ale porte.(2/11)
Ala Madona de Agosto rinfresca el bosco.(15/8).
Ala prima aqua de Agosto, pitoco te conosso.
Alba rossa, o vento i joza.
Ano piovoso, ano de merda.
Aprile piovoso, ano frutuoso.
Aprile, on'ora el pianze, on'ora el ride.
Aprile, tuti i dì on barile.
Aqua de Agosto, miele e mosto.
Aqua de Aprile, fromento sol barile.
Aqua setenbrina, velen par la cantina.
Aria setenbrina, fresca la sera fresca la matina.
Co' canta el galo sola rosà, core l'aqua par la carezà.
Co' la piova e col vento, a pescare e a trare no starghe ndare.
Co' la vaca tien su el muso, bruto tenpo salta suso.
Co' névega sola foja l'è on inverno che fa oja.
Co' piove so la rosà tuto el dì se ghe n'a.
Co' riva l'ora terza, o la se driza o la se roversa.
Co' ruza el ton, da calche parte piove.
Co' toneza de Jenaro chi ga quatro vache se ne magna on paro.
Co'l galo canta so la zena, se no xe belo se serena.
De Novenbre, quando tona xe segnal de anata bona.
De San Michele la piova la bagna la pele.
De San Tomìo le zornade torna indrio.
Del bon tenpo e dela bona zente no se se stufa mai.
Dio manda el fredo secondo i pani.
El colmo de luna bel tenpo el cuna.
El sole de Agosto brusa i piantoni.
El tenpo fà i mistieri.
El tenpo no ghe fà torto a nissuni.
El tenpo no se ga sposà par no 'vere comandi.
El tenpo e la rason xe senpre del paron.
El tenpo, el culo e i siuri i fà quelo ch'i vole luri.
Far ciaro ai orbi e predicare ai sordi el xe tenpo perso.
Febraro inevà fà bela l'istà.
Fevraro curto, pezo de tuto.
Garbin no xe tragante* né pescantin.
*cacciatore
Ghe xe pì tenpo che vita.
Gran fredo de Jenaro se incolma el granaro.
In tenpo de peste pì baje che feste.
Jenaro co la pòlvare, granaro de ròare.
Jenaro suto, gran dapartuto.
L'amore fà passare el tenpo, e 'l tenpo fà passare l'amore.
L'aqua de Giugno ruina el munaro.
L'aqua de Majo ingrassa el formento.
L'aqua de San Giacomo la fà miracoli.
L'aqua de San Gregorio fà ranpegare la végna.
L'aqua de San Joani guarisse tuti i malani.
L'arcobaleno ala matina bagna el beco ala galina.
L'aria de Febraro xe come on loamaro.
L'aria de San Matìa (24/2) dura fin a San Giorgio, e l'aria de San Giorgio
dura fin a S.Urban.
La burla no la xe bela se no la xe fata a tenpo.
La luna nuova la cava el seco.
La matina la xe la mare d'i mestieri, la note d'i pensieri.
La neve decenbrina disisète volte la se capina.
La piova de primavera ghe ronpe la rogna ala tera.
La piova de San Bernardin la roba pan, ojo e vin.
La piova del'Assension fà bela la stajon.
La piovesina ingana el vilan: par che no piova e la spassa el gaban.
La vigilia de San Joani piove tuti i ani.
Le ràcole ciama piova.
Luna nuova tri dì de piova.
Luna setenbrina sete lune se ghe inchina.
Luna setenbrina, sete lune la indovina.
Majo fresco e ventoso fà l'ano copioso.
Majo fresco, paja e formento.
Majo ortolan, tanta paja e poco gran.
Majo suto, gran dapartuto.
Marzo el se fà vanti, el merlo el fà noze coi so canti.
Marzo spolvarento, poca paja e tanto formento.
Marzo suto e Aprile bagnà: beato chel contadin che ga somenà.
Marzo sventolaro fromento in granaro.
Marzo sventolon, more la piègora e anca el molton.
Na bona aqua de Febraro vale pì de on loamaro.
Nebia bassa bel tenpo la lassa.
Nela luna setenbrina la sardela se rafina.
Neve de Jenaro inpina el granaro.
Neve novenbrina trédese volte la se rafina.
Nèvega in montagna, el fredo vien qua zo; i òmani vien veci e le braghe
ghe va zo.
No tona mai par gnente.
Novenbre col ton, l'ano xe bon.
Novenbre e Dicenbre benedisse Setenbre.
Nuvole in montagna no bagna la canpagna.
O dal cao o dala coa l'inverno vol dire la soa.
Par el seco xe bona anca la tenpesta.
Par i Santi, neve sui canpi; par i Morti, neve sui orti.
Par San Corado vèrzi la porta al caldo.
Par San Damàso el fredo al toca el naso.
Par San Fredian la neve la va al monte e al pian.
Par San Paolo el jazo va al diavolo.
Par tuti i Santi, manegoti e guanti.
Pifania, el pì gran fredo che ghe sia.
Piova d'Istà, beati che che la ga.
Piova de Jenaro, erba de Febraro.
Piova de San Piero, piova col caldiero.
Piova de San Roco la dura poco.
Pòlvare de Jenaro la inpina el granaro.
Primavera de Jenaro la ruina el persegaro
Quando a Otobre scurisse e tòna, l'invernada sarà bona.
Quando canta le grole* ghemo burasca par tri dì.
Quando che l'Anzolo Michele se bagna le ale piove fin a Nadale.
Quando che piove col sole le strighe fà l'amore.
Quando che piove el dì de San Gorgon, piove par na stajon. (9/9)
Quando che piove i mati se move.
Quando che se sente el ton da calche parte piove.
Quando che tira vento, ghe xe fredo co ogni tenpo.
Quando che'l fumo va in tera, burasca se spera.
Quando che'l galo canta zo de ora, doman no xe pì el tenpo de 'sta ora.
Quando che'l sole indora, nieve, nieve e nieve oncora.
Quando che'l sole se volta indrio, xe belo anca el dì drio.
Quando el Venda fa el pan, se no piove oncuò piove doman.
Quando la canavera fà el penacio, tanta neve e tanto jazzo.
Quando la ràcola canta, piova tanta.
Quando le done fa la lissia sola via, l'inverno sbrissa via.
Quando le nuvole va in montagna, ciapa la zapa e va in canpagna.
Quando le nuvole vien dal mare, ciapa i buò e va a arare; quando le nuvole
vien dal monte
ciapa i buò e va ala corte.
Quando Mercurio insaca Giove, in setimana piove.
Quando piove par la Crose, bon el gran, triste le nose.
Quando se vede la raìna se no piove oncuò piove domatina.
Quando xe ciara la marina, magna, bivi e va in cusina.
Quando xe ciara la montagna, magna, bivi e va in canpagna.
Rosso de matina la piova se avizina.
Rosso de matina, o piova o piovesina.
Rosso de sera bel tenpo se spera.
Sale bagnà ciama piova.
San Benedeto ghe ne porta on sacheto*. (21/3)
San Colonban el riva co la neve in man. (21/11)
San Gregorion el pole portare on robalton. (3/9)
San Mauro fà i ponti, Sant'Antonio li ronpe, San Paolo li fonda.
San Paolo ciaro inpinisse el granaro. (25/1)
San Piero benedisse la tenpesta.
San Prodocimo e San Daniele marcanti de neve. (7/11)
San Valentin, el jazzo no'l tien pì gnanca on gardelin.
San Vidale, marcante de piova. (28/4)
Sant'Antonio Abate se no ghe xe el jazzo el lo fà, se'l ghe xe el lo desfa.
Sant'Antonio Barbon (Abate) marcante de neve.
Sant'Omobon, neve o tenpo bon. (13/11)
Sant'Urban pastore de nuvole.
Santa Barbara benedeta, tien distante el fulmine e la saeta. (4/12)
Se 'l dì de San Martin el sole se insaca, vendi el pan e tote la vaca; Se
'l va zo seren, vendi
la vaca e tiente el fen.(11/11)
Se a San Medardo piova, dopo quaranta dì rifà la prova. (8/6)
Se el primo tenporale el se sente a vale, bon ano senza tonpesta; se da
monte a matina,
on ano de ruina; se tona a mezodì o sera, bon ano se spera; se'l
primo ton vien dal
mantovan, vale pì el saco del pan.
Se fà belo a San Gorgon la vendema va benon.
Se fà fredo a San Luigino, farà caldo a San Paolino. (21/6-22/6)
Se Jenaro no fà el giazo, Febraro fà el pajazo.
Se Majo fà fresco va ben la fava e anca el formento.
Se Majo rasserena, ogni spiga sarà piena.
Se Marzo resenta, fromento e polenta.
Se no fa caldo a Lujo e Agosto sarà tristo el mosto.
Se no piove a San Medardo piove a San Gervasio. (19/6)
Se no piove so l'olivela piove so la brazadela.
Se Otobre camina lento te pol èssare contento.
Se piove a Pentecoste, tute le entrate no le xe nostre.
Se piove a San Bàrnaba la ua bianca la va via; se piove da matina a sera,
va via la bianca e
anca la nera. (11/6)
Se piove a San Duane se suga le fontane.
Se piove a San Giorgio ghe sarà carestia de fighi.(23/4)
Se piove a San Gregorion, piove tuta la stajon. (3/9)
Se piove a San Paolo e Piero, piove par on ano intièro. (29/6)
Se piove a San Vito e Modesto, la ua va torla col zesto.(15/6)
Se piove a Sant'Ana, la xe na mana.
Se piove a Sant'Urban ogni spiga perde on gran.
Se piove a Santa Bibiana, piove par quaranta dì e 'na setimana.
Se piove a Santa Desiderata, casca la ua e resta la grata. (14/6)
Se piove ai primi de Majo, nose e fighi fà bon viajo.
Se piove ai quaranta Santi, aqua par altretanti.
Se piove de San Gorgon, sete brentane e on brentanon.
Se piove el dì de San Gorgonio, autuno demonio.
Se piove el dì de Santa Crose el fà cascare le nose.
Se piove par San Vio al vin còreghe drio.
Se piove sole Palme no piove sui ovi.
Se piove sui cavajuni, bondanza de galine e ovi.
Se San Michele no se bagna le ale, farà belo fin a Nadale.
Se San Michele se bagna le ale, piove fin a Nadale.
Se Sant'Antonio fa el ponte, San Paolo lo ronpe.
Se vènta* ai tri de Marzo e al dì de San Gregorio, vènta par quaranta dì.
(12/3)
Se vento no tra, fredo no fà.
Se'l tona el dì de San Duane, le cuche va sbuse e le nosèle vane. (24/6)
Soto la neve, pan; soto l'aqua, paltan.
Stele fisse ciama piova.
Suta de Agosto, tonpesta de Majo.
Tante nosèle, tanta neve.
Tèndare le tose e bàtare le nose xe tenpo perso.
Tenpo e paja fà fare i néspoli.
Tenpo, done e siuri i fà come che i vole luri.
Tre burane fà na piova.
Tri calighi fà na piova, tre piove na brentana e tri festini na putana.
Vento che sùbia e fogo de paja sbala presto.
Vento de Majo, poco tormento.
Zercio de luna, se no piove piovesina.
Numero Proverbi: 216
|
|
