Supa de sbrise
                 

_________________________________________  torna indrio

          

Par quatro che magna

6 eti de sbrise (za curà). El saria el fungo Pleurotus ostreatus
1 zeola
1 carota
3 spighi de ajo
30 grami de butiro
2 sculieri de oio stravergine de oliva
parsìnbolo tridà
sale e pévaro
pan vecio tajà a fete
grana gratà





         Se fa cussì:

  1. Co oio e buro, so na paela larga e alta fare on bel desfrito de zeola e ajo (questo dopo el se buta via) co la carota tajuzà fina 

  2. Tajare a tochiti i funghi e butarli in tecia, assando a fogo vivo par diese minuti, smissiando spesso che no i se taca

  3. Zontare aqua de bojo, a seconda de quanto brodosa ca volì la supa (dovarìa 'ndare ben 2-3 goti)

  4. Assare cusinare par diese minuti, incuercià, justando de sale e pévaro

  5. Intanto metì le fete de pan a brustolare: a seco, se ve piase magnare lizièro, o so on sculiero de oio se ve piase pì gustoso.

  6. Inpiatare la supa, spolvarando col parsìnbolo e butandoghe drento le fete de pan

  7. Infromajare par ben