torna indrio

Drio sto canae uncò
pare che s'abia
fermà el tenpo,
tuto xe fato de siénsio.
A te vedi sì...
ma poco gnente.
Xe bonassa e tanta burana
e, torno a mi,
vodo.
Anca i crocài
pare stà ingiotii
da sto biso,
da sto siénsio.
Scolto
e me pare de sentire
'e aneme, che respira isièro,
dei canpi, del'àrsare e del canae,
anca se i pare tuti morti,
invesse l'è proprio
el so respiro
dopo vere ciapà el sono
pin pianèo,
sóto sta còlsara pesante
che cuerse tuto
come na mama
piena de premure.