torna indrio

Drio la mura alta
meza querta da l'edera
co in tera on tapeo de mus-cio
che ne par de caminare
so on presepe,
me torna in mente 
i me ani verdi,
la tesa piena de fen,
el canfin soto i travi,
e, a fine caresà, la piopa granda
'ncora pì seria e fiera
de quando che jero puteo.
Anca stasera, sò sicuro,
la luna se ingrejarà
so 'e rame dei àlbari,
proprio come co' passavo
in sta caresà,
uncò ne i me ricordi.