torna indrio

Perso. Co i oci spalancà sol mondo
che no 'l me piase pi, me sento perso
e me revolto, ma no ghe xe verso:
za ca só qua vojo rivare in fondo

a sto troduòlo, anca se 'l xe fato
de tera, spanpanà de sassi a ponta
e pissine, piene de aqua onta.
Mi go capìo che 'a vita xe on contrato

dove che ogni uno ga el so rìs-cio:
on  dì te spendi poco, 'nantro massa
e 'nantro el xe na tràpola de vìs-cio

tacolente. Cussì, par fare cassa
cogna che, fra na làgrema e on fìs-cio,
te ridi a tuto quelo che te passa.

2009