torna indrio

La boaria de Milio Pene, 
fra’l Navegale e la canpagna,
iera grande, pì grande oncora
par on bocia de sete ani.
“Varda, popà, quante oche!”
No le sa, le oche,
se on bocia ga paura.
Mi so scanpà, drio la carezà,
longa, pì longa oncora
par on bocia de sete ani.
Par tanto tenpo, dopo,
le oche me xe corse drio.
E ogni volta, co’ me svejava,
la stessa paura.
On bocia xe pì al sicuro
co on polastrin.

 2006