torna indrio

On piato ben caldo, co tanta minestra
se sa, de ‘sti tenpi fa còmodo a tuti;
se po’ no ti ‘a magni, “ da quela finestra
- te órdena on mona – adesso ti buti !” 

La xe na condana, na gran fregadura
de quele che l’omo no pol comandare:
penseve, par credare, ‘a xe cussì dura
che xe come dire “ obedire o crepare”. 

La solita storia che ciava la zente.
Chel’omo par ben, che ga par difeto
de vere in scarsela pì manco de gnente 

e la grande scarogna de èssar poareto,
ghe toca tasere, a conto, se ‘l sente
che on gobo xe drito e on sbàlio perfeto.

1984

proverbi in rima