torna indrio

On proverbio senpre in boca,
na parola par tuti,
na ciacola
de quele che tien sveja la mente,
on dolore fisso sol zenocio zanco,
oci bassi davanti ala scarogna,
muso duro incoste ale cativerie,
naso forte da omo,
careze tènare da mama,
vita dura da poareta,
on fiolo de nissuni da tirare su,
on nome da difèndare,
na dignità mai persa,
on soriso s-ceto,
na curiosità da bocia,
na fede senza preghiere,
na morte senza dolore...
Meriti guadagnà.
Me nona Maria,
par tuti La Mora.

 2006