torna indrio

On fazoleton moro,
anca d’istà.
El dondolava insieme co ela,
scorlà dal so passo,
sguelto, fatizo, mai stufo.
Ciao nona.
Ciao caro.
On goto de aqua,
on baso a noantri tusiti.
Bisognava continuare
a caminare, senpre ‘vanti…
Na nona cussì
no ghea bisogno de parlare
e a so fiola, me mama,
solo on saludo, on grazie,
on sì, stago qua par disnare.
Te go tegnù viva, nona,
rancurando le to parole vecie
ca tegno care, intortejà
sol ricordo del to fazoleton moro.

 2006