torna indrio

“ Repubblica fondata sul lavoro”,
se leze so la Leje, e mi laoro,
parché xe justo che anca mi rispeta
quelo che la Costituzion me dèta; 

in pì, se sa che ‘ndando a laorare
se ciapa quel che serve par magnare
e, ben o male, a te tiri vanti
spendendo on fià ala volta i to contanti. 

Però, me vien on dubio, dati i tenpi,
parché se vede i giro tanto esenpi
de zente in dupio pèto e co ‘a Ferari,
che no laora, ma i fa tanti afari; 

alora, Leje, va a verificare
sa semo difarenti sol laorare
e varda, po’, se quili che ga magnà
i se la ga davero guadagnà !

1984

proverbi in rima