torna indrio

Piena de esenpi, sta vita
ca femo, de zente che riva
in pressa e come na sita,
e i sente sonare la piva

ch'i fà deventare na stela.
Ghe ne xe, vardémose in giro,
gnan boni - porca mastela -
de farse on panin col butiro;

epure i ga tanto sucesso
sti qua, boni da gnente,
ma senpre a gala, instesso

parfin adorà dala zente.
Ma anca s'i sluse 'ntel cesso
i strunzi no vale on bel gnente.

1996

proverbi in rima