Tortei gustosi
                 

_________________________________________  torna indrio

          

Par quatro che magna

3 eti de farina
3 ovi
2 eti de carrè de porzelo
2 eti de carne magra de manzo
1 eto de salsicia
1/2 zeola rossa
2 spighi de ajo
4 sculieri de grana gratà
5 foje de verza
2 sculeri de salsa de pomodoro
1 eto de buro
8-10 foje de salvia
sale e pévaro
oio stravergine de oliva

         Se fa cussì:

  1. LA PASTA

  2. Smissiare insieme la farina, 2 ovi, on sculiero de oio e la salsa de pomodoro (la vien on fià rossa)

  3. Inpastare par zinque minuti co on pìzego de sale, fare na balota e assare repossare inquerciando co on toajòlo par almanco on quarto de ora

  4. EL PIEN

  5. So na paela, fare on desfrito co zeola e ajo (questo dopo el se buta via)

  6. Tajare a tochiti picoli la carne e la verza, desfare la salsicia e butare in paela, insieme.

  7. Passare a fogo vivo par 2-3 menuti, po' assare che se cusina, pian pianelo: se ga da sugare ben

  8. Metare a rafredare sto conziero, po' frularlo (no massa...) e smissiarghe insieme el grana e la balota de staltro ovo, justando de sale e pévaro.

  9. I TORTEI

  10. Tirare fina la pasta (anca on fià par volta) e tajarla a striche longhe

  11. Metarghe on sculiarin del conziero ogni tri zentimetri, a metà dela strica, po' sarare inquerciando .

  12. Tajare con on goto picolo i tortei, ciapando in mezo la balota de conziero

  13. 'Ndare vanti fin che se finisse pasta e conziero

  14. Butare i tortei so na pignata de aqua de bojo, e farli cusinare

  15. EL CONDIMENTO

  16. So na paeleta scaldare el buro insieme co la salvia zicolà fina, senza che el buro sfrìtega! 

  17. Scolà i tortei, butarghe dessora el condimento e magnarli