Tegoline 
 vestie de rosso 

   ______________________________________   torna indrio

          

Par quatro che magna

 

½ chilo de tegoline (mèjo quele d’i fasoliti co l’ocio, le cornete);

1 spigo de ajo 

1 zeola;

du pomodori bei grossi e fati;

ojo stravergine de oliva;

sale e pévaro ;

 

         Se fa cussì:

  1. Fare on desfrito co meza zeola e l’ajo, cavando l’ajo  ala fine;

  2. Cusinare al vapore le tegoline, assandole ben al dente;

  3. Na volta cote, butarle sola tecia del desfrito e farle saltare
    par on minuto a fogo vivo salando e …pevarando;

  4. Tajare a tochi grossi i pomodori e butarli in tecia;

  5. Cusinare par 4- 5 minuti zontandoghe, ala fine, staltra  meza zeola tajà a rondele assando che la se scalda par 2 minuti. 

  6. Bone tanto calde quanto frede da frigo.

Nota: se dela copia le magna uno solo, staltro protestarà par via dela zeola…