Spàrasi co i ovi
                 

_________________________________________  torna indrio

          

Par quatro che magna

2 mazi de sparasi bianchi
8 ovi
oio, pévaro e sale

         Se fa cussì:

  1. Ligare i mazi de sparasi co spago da cusina e metarli so na pignata alta in aqua de bojo, salà. Le ponte le ga da stare fora dal'aqua;

  2. Cuèrzare la pignata e assare cusinare par tri quarti de ora;

  3. Lessare i ovi metendoli in aqua freda par i soliti siè-sete minuti;

  4. Cavare i sparasi e pelarli, portando passienza sa ve scotè;

  5. Butare in aqua freda i ovi e pelarli;

  6. Se magna ogni uno co la so parte de sparasi e de ovi, ben condio co oio, pevaro e sale;

STORIA: Ghe xe chi che schicia i ovi e, dopo verli condìi, ghe tocia dessora i sparasi; ghe xe chi che magna i ovi a tochi e i sparasi a parte; ghe xe altri che ghe mete anca l'aseo par condire; ghe xe chi che i sparasi i li pela crui, doparando el pelapatate; ghe xe chi che i ovi i li prepara al'ochiodibue o in camisa. Ogni uno fa quelo che'l vole!