Sardele a scotadeo
                 

_________________________________________  torna indrio

          

Par quatro che magna

24 sardele, fresche che ...le parla
1 scudela de pan gratà, oio e pévaro
ajo, mèjo se in polvare

 

         Se fa cussì:

  1. Cavàre testa, buèle e spin ale sardele, po' lavarle ben e assarle sgiozare

  2. So na terina, metare insieme el pan gratà, du sculiarini de ajo in polvare (opure du spighi de ajo tridà fin assè), du pìzeghi de pévaro e du sculieri de oio e fare on paston. Atenti, che l'oio no sia massa: el paston ga da vegnere apena umido!

  3. Involtolarghe drento le sardele, che le ciapa tuto torno el paston

  4. Metare le sardele so na tecia da forno (pirofila), una tacà a staltra, de tajo.

  5. Metare in forno a 180 gradi par zinque-siè minuti

  6. Magnare a scotadeo salando al momento.

  7. Se le finisse sùito, vol dire ca dovivi fàrghene depì!
 P.S.: le va ben cusinà anca sol fornelo, so na tecia antiaderente