- Lavare
e curare par ben el salmon, cavandoghe via le scaje;
- Fare
on inpasto co la farina e co l’aqua, come par fare el pan, ma
senza sale;
- Stèndare
la forma de pan, par avere na sfoja de poco manco de 1 cm. che la
possa contegnere e cuèrzare el pesse: la ga da èssare poco pì longa,
e larga na volta e meza; tegnere da parte na baleta de pasta;
- Tegnendo
presente la misura del salmon, butare sola sfoja on poco de zeola,
de ajo, de càpari, de parsìnbolo e de fete de limon;
- Pozarghe
dessora el pesse, inpenirghe la panza co la stessa roba e salare on
poco;
- Dessora
del salmon métarghe la stessa roba ca ghi messo soto;
- Incuerciare
el salmon co la pasta che ghe xe torno, fasendoghe ciapare la forma
del pesse;
- Co
la pasta che vanza e co la baleta tegnù da parte, guarnire el pesse
in maniera ch’el para vero: se fa l’ocio e, fasendo d’i
bigoliti de pasta, se fa dele finte scaje (guai no contentare
anca l’ocio…)
- Spenelare
el pan co l’ovo sbatù par ben;
- Dala
parte dela panza, inpirarghe 6-7 stecadenti, mezi drento e mezi fora
(i serve par fare vegner fora el liquido in pì);
- Métare
in forno a 180 gradi par quaranta minuti (el se cusina quaranta
minuti par ogni chilo de pesse);
- Cavàre
dal forno e amirare l’òpara de arte;
- Par
vèrzarlo, tajare la pasta torno el bordo e descuerciare el pesse;
se’l xe coto ben, la pele la vien via col pan, che’l ga anca
sorbìo el grasso in pì;
- Servire
caldo co qualche salseta (vedi ricete so la pajina del pesse);
Nota:
da dire el xe longo assè, da fare ghe vole vinti minuti…
|
|
