Rodoliti de piton
                 

_________________________________________  torna indrio

          

Par quatro che magna

4 bele fete de peto de piton
2 sotilete
4 sculiarà de spinaci coti al buro
8 fetine de speck o de parsuto coto
sale, pévaro, erbete aromatiche in polvare
1 zeola
1 spigheto de ajo
3 sculieri de ojo stravergine de oliva;
1 chilo de spinaci congelà
1/2 eto de butiro

         Se fa cussì:

  1. Cusinare so poca aqua salà i spinaci congelà;

  2. Scaldare el buro so na paela e, na volta fuso, butarghe i spinaci ben scolà dal'aqua; I xe pronti in 5 minuti;

  3. Pestare le fete de piton e, una ala volta...

  4. ...spolvararle de sale, pévaro e erbete in polvare;

  5. Destirarghe dessora do fetine de l'afetato;

  6. Sora del'afetato destirare on sculiero de spinaci;

  7. Sora d'i spinaci, meza sotileta;

  8. Involtolare el tuto e sarare co stecadenti, che no se spanda la sotileta (la se fonde, cusinadola);

  9. Spolvarare oncora de sale e co la polvareta;

  10. Intanto metare a scotare so na paela l'ajo e la zeola, questa tajà a fete grosse;

  11. Cavare lajo e metare in tecia i rodoliti, fasendoli rosolare da tute le parte.

  12. Tajare a fetine e servire, bagnando col so sugheto.

  13. Par contorno se magna el resto d'i spinaci.

  14. Vin bon!