Risoto co le patate
  

   ______________________________________   torna indrio

          

Par quatro che magna

 

4 eti de risi (vialon nano);

do bele patate (almanco 4 eti);

on mazeto de parsìnbolo tridà fin;

1 spigo de ajo e 1/2 zeola tajà fina;

ojo stravergine de oliva;

2 luganeghe.  

 

         Se fa cussì:

  1. Fare on desfrito so l’ojo  co la zeola e l’aio (l’aio se cava e se buta via,dopo );

  2. Tajare a fetine fine assè le patate e butarle crue sola tecia col desfrito, fasendole cusinare a lento

  3. Durante sta cotura bisogna zontarghe ogni tanto del brodeto vegetale, senò adio patate...   

  4. Pelare le luganeghe e desfarle co na forcheta, po’ butarle anca ele in tecia, che le se cusina na diesena de minuti;

  5. Zontarghe i risi e, dopo verli fati scotare du minuti   “a seco”, butare man man el brodeto vegetale fin a cotura finìa;

  6. Prima de servire, zontarghe on bel pugneto de grana gratà, par maltecare el risoto,  e po’ spolvarare col parsìnbolo.

N.B.: par chi che lo vole pì liziero, fare tuto senza métarghe la luganega. L’è on piato speciale instesso!