Risoto co la 
luganega 

   ______________________________________   torna indrio

          

Par quatro che magna

 

4 eti de risi (vialon nano);

2-3 luganeghe, a seconda dela grandeza;

na carota tajà a daditi;

na ganba de sèlino, taja come  la carota;

1 spigo de ajo e 1/2 zeola tajà fina;

ojo stravergine de oliva;  

 

         Se fa cussì:

  1. Fare on desfrito so l’ojo  co la zeola e l’aio ( l’aio se cava e se buta via, dopo ), co le carote e el sèlino;

  2. Pelare le luganeghe e desfarle co na forcheta, po’ butarle anca ele in tecia, che le se cusina na diesena de minuti;

  3. Zontarghe i risi e, dopo verli fati scotare du minuti “ a seco”, butare man man del brodeto vegetale fin a cotura finìa;

  4. Prima de servire, zontarghe on bel pugneto de grana gratà, par maltecare par ben el risoto. Chi che vole pole smissiarghe anca du sculieri de pana da cusina, ma no sentirve obligà!