Pomodori al forno
                 

_________________________________________  torna indrio

          

Par quatro che magna

16 pomodori bei fati e duri
10 sculieri de pan gratà
5 sculieri de grana gratà
7-8 foje de basalìco freso
1 sculiarin de origano
oio stravergine de oliva
sale e pévaro

 
         Se fa cussì:

  1. Dopo verli ben lavà, tajare in du i pomodori e cavarghe co calma le granele

  2. Fare on bel smissioto co pan gratà, grana, origano e basalìco tajuzzà fin, fin. Po' justare de sale e smissiare par ben

  3. Co passienza, inpenire co sto inpasto tuti i mezi pomodori

  4. Passare on filo de oio so ogni pomodoro e apena apena sol fondo dela tecia (pirofila o de quele che no se taca, da forno)

  5. Assare cusinare a 150° fin che l'inpasto ciapa colore. Se pol fare anca in forno a microonde, par na vintena de minuti, tacando anca la griglia

  6. Servire caldo de bojo (ma i xe boni anca fridi...) passando 'nantro fileto ...invisibile de oio