Polpete crue so on
leto de zucoliti  

   ______________________________________   torna indrio

          

Par quatro che magna

 

Oto eti de carne de manzo masenà;

Mezo eto de grana gratà;

Meza zeola tajà a fetine e on spigo de ajo;

Do, tre prese de erbete varie seche (salvia, osmarin, timo, ec.,che i le vende in bussolotei
za pronte)

On paro de zucuoliti tajà a rondelete;

Quatro sotilete bone;

Poco manco de mezo goto de vin bianco seco;

Ojo, pévaro e sale

Pan gratà.  

 

         Se fa cussì:

  1. So na terina, smissiare la carne co le erbete, el formajo gratà e justare de sale. Pévaro par chi che no’l ghe brusa…

  2. Co l’inpasto fare dele polpete (grosse come na baleta da pin-pon, o come on ovo gigante de galineta nana o come on ovo picolo de galina normale…) schiciandole e passandole dopo sol pan gratà;     

  3. So na paèla larga, fare on desfrito co la zeola e l’ajo;

  4. Zontarghe i zucoliti tajà par ben e farli fiapare on par de minuti;

  5. Métare in paela le polpete e zontarghe el vin bianco;

  6. Assarle cusinare prima da na parte e po’ da staltra, prima  a paèla cuerta e ala fine senza cuercio, senza revoltare el leto de zucuoliti;

  7. Ala fine inbaretare le polpete co le sotilete, assando che le se squaja on fià;

  8. Servire sol piato, caldo col so toceto.