Piovra in salata
                 

_________________________________________  torna indrio

          

Par quatro che magna

1 piovra de 7-8 eti 
1/2 chilo de patate
na sbrancadela de parsinbolo tridà fin
1/2 zeola
1 carota
1/2 ganba se sèlino
Oio, pévaro e sale


         Se fa cussì:

  1. Intanto bisogna che la piovra-folpo la sia stà in jazzo par almanco 48 ore: se la xe fresca la vien dura cofà la goma;

  2. Metare a bojire na pignata de aqua da 5 litri, co drento zeola, carota e sèlino e justare de sale;

  3. Quando che la boje, butarghe drento la piovra, incuerciare, contare 4 minuti, pocavàre la bestia  e tegnerla fora da la pignata par on paro de minuti; po' butarla drento oncora e e assare che la se cusina (mez'oreta...);

  4. A parte, cusinare al vapore le patate, za pelà; (chi che xe atrezà, pole cusinare le patate dessora della pignata dela piovra: le vien on fià incolorie de rosso, ma pì gustose);

  5. Coto tuto, assare che se rafreda e tajare a tochiti la piovra e le patate;

  6. Metare tuto so na terina, conzare co oio, sale e pévaro e spolvarare de parsinbolo;

  7. Se magna, pensando quanto bona che la xe sta piatanza!

  8. Par el vin, regoleve.
 VARIANTE: se pole zontare on pevaron zalo tajà a tochiti e/o na ganba 
                    de sèlino, senpre tajà a tochiti: vien na salata pì siora!
 ROBA CURIOSA: metendo in pignata on stròpolo de sùgaro pare che la vegna pi 
                    tènara...