Pesse spada montanaro
                 

_________________________________________  torna indrio

          

Par quatro che magna

Do fetone de pesse spada fresco da almanco mezo chilo al'una
8 funghi "prataioli" e 3 capele de "sbrisa"
4 spighi de ajo
1/2 zeola rossa
2 sculieri de oio stavergine de oliva
1 cazoleto de brodeto vegetale
pévaro e sale

         Se fa cussì:

  1. El pesse basta solo lavarlo on fià soto el rubineto

  2. Fare on desfrito co la zeola tajà fina e l'ajo (questo dopo va butà via)

  3. Tajare a fetine i funghi e butarli sol desfrito, assandoli cusinare par zinque minuti, col quercio. Se i fusse massa sichi, bagnare co on fià del brodeto

  4. Metare in tecia le fete de pesse e cusinarle zinque minuti par parte, spolvarando de sale e pévaro

  5. Al'ocorenza, fare sugare el toceto cavando via el pesse

  6. Servire caldo de bojo, come sola fotografia

  7. el limon xe solo par beleza: se par el pesse ve dovesse servire el limon vol dire che el pesse no xe fresco!