Patate infenocià
al forno                 

_________________________________________  torna indrio

          

Par quatro che magna

4 patate grossete
2 bei fenoci
2 eti de mozarela da piza
1 sculiero de oio stravergine de oliva
3 sculieri de grana gratà
Sale e pévaro, quelo che basta

         Se fa cussì:

  1. Lessare al vapore le patate e i fenoci

  2. Tajare le patate a fete grossete, mejo par longo, e i fenoci a spighi, no tanto grossi;

  3. Onzare na pirofila co l'oio, e butarghe drento patate e fenoci, destirando ben le fete e i spighi, po' justare de sale e inpevarare;

  4. Tajare a fetine la mozarela e destirarla dessora ale verdure;

  5. Spolvarare col grana;

  6. Metare in forno za caldo a 180° e assare che se desfa la mozarela e se suga chel poco de liquido che ghe xe;

  7. Prima de cavare dal forno tacare el grill dessora e assare che se indora (atenti a no brusare tuto);

  8. Se magna ben caldo.