_________________________________________   torna indrio

1. Preparare na salsa de pomodoro fasendo on bel desfrito so on poco de oio co la zeola tajà fina e l'ajo (che dopo se cava); Assare che la salsa ciapa gusto e la se suga par na diesena de minuti;

2. Tajare le melanzane a rondele alte 1 zentimento e scotarle so na piastra ben calda: no le ga da brusarse, ma solo da incolorirse on fià. No ocore sgiozarle, prima!;

3. So na tecia de vero bona da forno (pirofila, in talian) destirare on par de sculieri dela salsa de pomodoro ca ghi preparà;

4. Pozare sol fondo dela tecia on strato de fete de melanzane, po' sporcarle co la salsa de pomodoro, che no la sia massa;

5. Passare on giro de sale e pévaro e na spolvarada gajarda de fromajo grana gratà;

6. Tajare a fete de 1/2 zentimentro de spessore le mozzarele, ronparle a tochi e destirale dessora dele fete de melanzana;

7. Tacare da nuovo co le fete de melanzane e rifare quelo che xe scrito al n. 5 e 6, finiendo co na bela infromajada e bagnando co on filo de ojo stravergine de oliva;

8. Metare in forno belo caldo par diese minuti, fin che la mozarela la taca a squajarse: ste 'tenti che no la se brusa, che ve toca butare via tuto!

9. Se magna belo caldo.