Paella ...ala moda mia
squasi Valenciana...                

_________________________________________  torna indrio

          

Par diese che magna

 
1 chilo de peoci
1/2 chilo de sepoline (sepe picolete...)
1/2 chilo de calamari
1 chilo de ganbaruni (solo le coe...)
20 scanpi
10 pecossi opure sotocosse de polastro
1/2 chilo de carne de porzelo
8 spighi de ajo
1 zeola
1 pevaron verde
1 pevaron rosso
2 eti de bisi (frischi o surgelā, no' in scatola...)
1 goto de vin bianco
1 goto de oio stravergine de oliva
1 litro e mezo de brodo lizičro (de polastro o anca dado)
1 chilo de risi (del tipo parboiled...)
5 bustine de zafferano
sale e pévaro
NA PAELA GRANDE che possa starghe drento tuto sto bendedio!









         Se fa cussė:

  1. Tajare a dadi la carne de porzelo

  2. Tajare a striche i pevaruni

  3. Sfetare fina la zeola

  4. Cavarghe el grasso in pi al polastro

  5. Lavare e tajare a striche le sepe e i calamari

  6. Cavarghe la sgussa e el fileto moro ale coe de gānbaro, po' lavarle

  7. Farghe on tajo co la forfe sola vita dei scanpi, par longo (solo la sgussa) e lavarli

  8. Netāre par ben i peoci

  9. Sola paela grande, fare on desfrito so l'oio co 1/2 zeola e 2 spighi de ajo (questo dopo se cava), scotare a fogo vivo el polastro da tute le parte, po' zontarghe i tochiti de porzelo, justare de sale, cučrzare e assare che se cusina

  10. So na pignata alta, farghe ciapare colore a 2 spighi de ajo co on fiā de oio, cavāre l'ajo e butarghe drento i peoci e 3/4 del vin, faséndoli stare sol fogo fin che i se verze. Tegnere rancurā el pocio!

  11. So 'nantra paela fare indorare so l'oio staltra 1/2 zeola e 2 spighi de ajo, cavāre l'ajo e butarghe drento le sepe, i calamari, i scanpi e i ganbaruni

  12. Farli saltare co staltro vin po' assare ch' i se cusina

  13. So na paeleta bassa scotare so l'oio i 2 spighi de ajo restā, cavārli e po tufarghe drento el pevaron e i bisi, faséndoli saltare a fogo lento fin che i bisi deventa tenarini (slongare co on fiā de brodo se se suga massa)

  14. Cavare la carne dala pačla grande, assāndoghe drento el pocio; desfare so on fiā de brodo caldo el zafferano e zontarlo, po' butarghe i risi e farli saltare par tri minuti

  15. Zontare el pocio dei peoci e tacare a cusinare i risi, pian pianelo come on risoto, zontandoghe brodo on fiā par volta: ghe vole 20 minuti

  16. 5 minuti prima de fine cotura, butarghe in paela tuta la roba cota prima: el pesse, le verdure e la carne e justare de sale e pévaro, tegnendo in parte, in calda, el polastro e i scanpi

  17. Servire in tola diretamente co la paela, metendo sol dessora in bela mostra i scanpi e i tochi de polastro

  18. Xe vero, ghe vole tuta na matina, ma vale la pena!