Lentichie in tocio
                 

_________________________________________  torna indrio

          

Par oto che magna

500 grami de lentichie
1 zeola
3-4 spighi de ajo
1 carota
1/2 ganba de sèlino
5 sculieri de oio stravergine de oliva
1/2 goto de polpa de pomodoro
on pìzego de erbete seche (osmarin, oraro, salvia)
sale e pévaro
on pìzzego de pavaronzin rosso in polvare
1/2 goto de vin bianco seco



         Se fa cussì:

  1. Lavare soto aqua corente le lentichie (se le xe quele de Castelluccio le xe le mejo...);

  2. So na bela pignata fare on desfrito so l'oio co tute le verdure tajà fine fine e i spighi de ajo (che po' se buta via);

  3. Butarghe drento el vin e farlo svaporare a fogo vivo;

  4. Butare in pignata le lentichie co le erbete seche e el pomodoro;

  5. Incuerciare de aqua che la sia dessora ale lentichie (es.: se el spessore dele lentichie xe 4 zentimetri, l'aqua ga da stare dessora par quatro zentimetri);

  6. Fare bojìre a lento, col cuercio fin a metà cotura (par diese minuti);

  7. Descuerciare e fare bojìre par nantri diese minuti;

  8. Justare de sale e pévaro e métarghe el pevaronzin rosso;

  9. Servire calde de bójo e gustarle a oci sarà...