Gnochi col pien
                 

   ______________________________________   torna indrio

          

Par quatro che magna

 

2 chili de patate sute da gnochi;

farina quela che basta (massimo on eto par chilo);

1 ovo intiero;

1 eto de gorgonzola;

1 eto de fontina;

1 eto de grana gratà;

1 eto de caciota tènara, anca de pecorino;

1 eto de butiro e foje de salvia;

sale.

 

         Se fa cussì:

  1. Lessare le patate e passarle sol passaverdura, assandole po’che le se rafreda, ma no del tuto!

  2. Dopo, fare el paston come par fare i gnochi, zontando farina quanto che serve par supare le patate;

  3. Zontarghe l’ovo e justare de sale;

  4. Intanto fare fondare insieme i quatro fromaji, tajà a tochiti par fare prima, a bagnomaria, co on fià de late: ga da vegnere on paston tènaro ma no liquido;

  5. Tirare el paston de gnochi a sfoja, alta ½ zentimetro e, jutandose co on goto, tajare d’i dischiti de 4-5 zentimetri de diametro;

  6. So ogni disco métare on sculiarin del paston de fromajo:

  7. Incuerciare co nantro discheto e strucare co on deo tuto torno, parché se sara: vien fora na specie de ravioi…

  8. So na pignata de aqua de bojo salà, butare sti …ravioi e tirarli fora quando ch’i vien a gala, proprio come i gnochi.

  9. Fare desfare el buro e butarghe la salvia zicolà par ben, scaldando par on par de minuti, senza sfritegare.

  10. No resta che servire col butiro e la salvia come condimento. 

  11. N.B.: Feve jutare dala fémena, no che la staga a vardare e po’ la ve critica!