Funghi in tecia
                 

_________________________________________  torna indrio

          

Par quatro che magna

1/2 chilo de funghi "prataioli"
3 eti de capele de "sbrise"
30 grami de "porcini" sichi
4 sculieri de oio
4 spighi de ajo
On paro de ramete de parsìnbolo tridà fin
Pévaro e sale

         Se fa cussì:

  1. Farghe ciapare colore el'ajo so l'oio, po' butarlo via

  2. Metare i funghi sichi so na terinela de aqua par diese minuti, cavarli co le man dal'aqua (che la se buta via) e rifare nantra volta. L'aqua se buta senpre via

  3. Tajare a fete i funghi frischi e tajuzzare quili sichi revegnù

  4. Butare tuto in tecia e assare cusinare (senza quercio) par diese minuti, justando de sale e pévaro.

  5. Anca se no resta pocio i xe boni assè