 |
On peto
de piton de 2 chili, intiero |
|
2 fete
de sopressa co l'ajo, grosse 1/2 zm. |
|
2 fete
de speck grosse 1/2 zm. |
|
2,5 eti
de ricota |
|
5 fete
de panzeta |
|
1 zeola |
|
1 carota |
|
1
sculiero de erbete miste secā (osmarin, salvia, timo,ec.) |
|
sale |
|
3
sculieri de ojo stravergine de oliva |
|
1 goto
de vin bianco seco |
|
spago da
cusina |
|
|
|
- Tajare el peto de piton in modo da
fare na specie de bisteca unica;
- Masenare tuto insieme la sopressa, el
speck e na feta de panzeta: fare on paston de sta roba smissiando ben
co la ricota;
- Destirare la bistecona de piton,
salarla e spolvararla co na parte dele erbete;
- Metarghe dessora el paston, assando
tuto torno on paro de zm. de bordo;
- Inpiegare a metā la feta e cusirla
tuto torno col spago da cusina (inzegneve par l'ago, ma i ghe ne vende
de fati aposta...);
- Fissare do fete de panzeta par parte,
jutandove co d'i stecadenti;
- Spolvarare ben de sale e col resto
dele erbete da tute do le parte el fagoto;
- Tajare a tochi grossolani la zeola e
la carota e metarle so na tecia da forno co l'ojo;
- Fare rosolare a fogo vivo da tute do
le parte el fagoto;
- Metare in forno a 180° e cusinare
ben, dopo verghe butā so la tecia el vin bianco. Ricordeve de girare
ogni tanto el fagoto parché el ciapa colore da tute do le parte;
- 2 ore e meza dovaria bastare, ma
regoleve dal colore e ste 'tenti che no se brusa la panzeta (bagnare
col pocio);
- A cotura finia, cavāre dal forno e
assare rafredare on poco e tajare fete de 1 zm. de spessore;
- Intanto zontarghe on goto de brodo de
dado al fondo de cotura e darghe on bojo zontandoghe 2 sculiarini de
farina: basta du minuti;
- Frulare tuto el pocio, che'l servirā
par butarlo caldo de bojo so le fete del fagoto servie sol piato;
- Sa ghi par le man del bon vin
Raboso,
la festa xe fata.
|
|
