Coste sbiancà
                 

_________________________________________  torna indrio

          

Par quatro che magna

 
1 bela ganba de coste
2 mozarele
1/2 eto de grana gratà
sale e pévaro
oio stravergine de oliva

          Se fa cussì:

  1. Lavare par ben le coste e farle bojire par diese minuti so poca aqua salà;

  2. Sgiozarle assando che le se suga on fià e tajarle al'ingrosso;

  3. Destirarle so na tecia de vero da forno (pirofila, in talian) fasendo on strato de on paro de zentimetri;

  4. Tajare a fete de 1/2 zentimetro le mozarele;

  5. Justare de sale e pévaro e pozarghe dessora a tochi la mozarela;

  6. Infromajare par ben col grana e métare in forno belo caldo par diese muinuti, fin che la mozarela la taca a squajarse (no la ga da brustolarse);

  7. Magnare pena cavà dal forno.