Brasolete co i fasoi
                 

_________________________________________  torna indrio

          

Par quatro che magna

3-4 brasolete fresche de porzèlo
On bussoloto de fasoi borloti o de lamon, boni o senò fasoi za coti in tocio
1 bela zeola
3 spighi de ajo
3 sculieri de oio stravergine de oliva (sarìa mejo lardo...)
pévaro e sale

 

 
         Se fa cussì:

  1. Tajare fina la zeola e farla fiapare pian pianèlo so na paela larga e alta, insiemo co i spighi de ajo (che po' se buta via)

  2. Tajare a tochiti de on par de zentimetri le brasole, senza pelare massa l'osso.

  3. Butare la carne in paela e farla rosolare a fogo vivo, anca i ossi, zontando sale e pévaro che basta

  4. Quando che la carne xe cota - basta zinque minuti - butare in tecia i fasoi, dopo verli sgiozà par ben da la so aqua

  5. Inpiatare so on piato caldo e servire  sùito, metendo on osso so ogni piato. 

  6. Sa volì farghe piazere ai bocia, assè che i ossiti li rosega ili!

  7. Bévare ben e senza esajerare!

  8. EL XE ON PIATO UNICO